Beijińde ótetin paralimpiada oiyndarynda elimizdiń týyn ustap shyǵatyn parasportshynyń kim ekeni anyqtaldy, dep habarlaidy QazAqparat QR Ulttyq paralimpiada komitetiniń baspasóz qyzmetine silteme jasap.
Beijiń-2022 paralimpiada oiyndarynyń ashylý saltanaty 4 naýryz kúni Nur-Sultan ýaqyty boiynsha saǵat 22.00-de bastalady.
Elimizdiń týyn para shańǵy sport túrinen álem kýboginiń qola júldegeri, halyqaralyq dárejedegi sport sheberi Erbol Hamitov ustap shyǵady.
«Para shańǵydan ulttyq qurama komanda qazir Almaty oblysynda oqý-jattyǵýda. Daiyndyq karantin talaptaryna sai ótip jatyr. COVID-19 indetinen saqtaný sharalary barynsha qamtylǵan. Bizdiń maqsat - paralimpiada oiyndarynda jaqsy nátije kórsetý. Sportshylardyń jaǵdaiy jaqsy, jarysqa daiyn jáne jeńiske umtylysy joǵary», - dedi ulttyq qurama komandanyń bas jattyqtyrýshysy Vasilii Kolomiets.
