Qytai astanasy Beijińde ótip jatqan Aq Olimpiada oiyndarynyń búgin 11-shi kúni arta qaldy, dep habarlaidy QazAqparat.
Beijiń Olimpiadasynda sarapqa salynatyn 109 medaldar jiyntyǵynyń 69-y óz ielerin taýyp úlgerdi. Jalpy sarapqa salynatyn medaldardyń kóbisi ketip azy qaldy. Olimpiada oiyndary da endi sanaýly kúnde máresine jetedi.
Búgin de jalpy medaldar kestesinde Norvegiia quramasy 9 altyn, 5 kúmis, 7 qola (21) medalmen kósh basynda keledi. Ekinshi orynda Germaniia quramasy tur. Olardyń enshisinde 8 altyn, 5 kúmis, 2 qola (15) medal bar. Al úzdik úshinshi oryndy 7 altyn, 6 kúmis, 3 qola (16) medalmen AQSh quramasy túiindep tur.
Medal kórsetkishimen úzdik ondyqta turǵan elder:
1. Norvegiia - 9 altyn, 5 kúmis, 7 qola
2. Germaniia - 8 altyn, 5 kúmis, 2 qola
3. AQSh - 7 altyn, 6 kúmis, 3 qola
4. Niderland - 6 altyn, 4 kúmis, 2 qola
5. Avstriia - 5 altyn, 6 kúmis, 4 qola
6. Shvetsiia - 5 altyn, 3 kúmis, 3 qola
7. Qytai - 5 altyn, 3 kúmis, 2 qola
8. Resei - 4 altyn, 6 kúmis, 8 qola
9. Frantsiia - 3 altyn, 6 kúmis, 2 qola
10. Shveitsariia - 3 altyn, 0 kúmis, 5 qola
Aita keteiik, dál búginge deiin Olimpiada medaline qol jetkizgen elder qatary 26-ǵa jetti. Onyń ishinde 21 memlekettiń qorjynynda altyn medal bolsa, 23 memlekette kúmis júlde bar. Sondai-aq, Belgiia, Latviia jáne Polsha elderiniń qorjyndarynda bir-bir qola medaldan bar.
Ókinishke qarai, Qazaqstan qorjyny ázirge bos.
