Konkimen júgirýden Qazaqstan komandasy sapynda ózgerister oryn aldy. Erler arasyndaǵy 1000 metrlik jarysta Ivan Arjanikovtiń ornyna Dmitrii Morozov shyǵady, dep habarlaidy Olympic.kz.
«Erler arasynda 1000 metrge júgirýden komandada ózgeris bar. Ivan Arjanikov densaýlyǵyna bailanysty jarysqa qatysa almaidy. Onyń ornyna Dmitrii Morozov shyǵady dep sheshtik. Árine, bul Morozov úshin aitarlyqtai yńǵaily jarys emes. Biraq ol sońǵy kezderi 1500 metrde ózin jaqsy kórsetip júr. Sondai-aq, bul báseke mass-start aldynda jaqsy daiyndyq bolmaq», - dedi bas bapker Dmitrii Babenko.
Aita ketelik, erler arasyndaǵy 1000 metrlik jarys erteń Nur-Sultan ýaqytymen 14.30-da ótedi.
