Olimpiada oryndarynyń resmi ashylý rásimi 4 aqpanǵa josparlanǵan. Alaida kerling, fristail, shaibaly hokkei syndy sport túrinen jarystar 2-3 aqpanda bastalady, - dep habarlaidy "Ult aqparat" "Habar 24" telearnasyna silteme jasap.
Qazaqstandyq fristailshylar alǵashqy irikteý syndaryn 3 aqpanda bastaidy. Fristail-mogýldan Olimpiadaǵa Qazaqstannan Iýliia Galysheva, Aiaýlym Ámrenova, Olesia Graýr, Anastasiia Gorodko, Dmitrii Reiherd jáne Pavel Kolmakov joldama jeńip alǵan bolatyn.
Aita keteiik, XXIV qysqy Olimpiada oiyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy.
Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady. Oiyndardy "Qazaqstan", "Qazsport", "Habar" jáne "El arna" telearnalarynan tikelei efirden kórýge bolady.
Beijiń Olimpiadasyndaǵy fristail-mogýldan jarys kestesi:
3 aqpan
Mogýl, áielder. Birinshi irikteý
Mogýl, erler. Birinshi irikteý
5 aqpan
Mogýl, erler. Ekinshi irikteý, birinshi, ekinshi, úshinshi final
6 aqpan
Mogýl, áielder. Ekinshi irikteý, birinshi, ekinshi, úshinshi final.
