Beijińdegi qysqy Olimpiada oiyndarynda búgin áielder arasynda short-trekten 1500 metr qashyqtyqta júldeler sarapqa salynyp jatyr, dep habarlaidy QazAqparat.
Atalǵan qashyqtyqta Qazaqstan namysyn Olga Tihonova qorǵaǵan bolatyn.
Ol muz aidyda bes sportshymen birge úshinshi topta synǵa tústi. Nátijesinde 2:23,48 ýaqyt kórsetkishimen tórtinshi bolyp márege jetti.
Alaida, onyń jarys barysynda ereje buzǵany anyqtalyp jarystan shettetildi. Osylaisha ol Beijińdegi Olimpiada oiyndaryn júldesiz aiaqtady.
Aita ketelik, short-trekten Qazaqstan komandasynyń eń úzdik nátijesin Abzal Ájiǵaliev tirkedi. Ol 500 metrge júgirýden A finalynda synǵa túsip, tórtinshi oryn ielendi.
Aita keteiik, atalǵan Aq Olimpiadada oiyndarynda elimizdiń namysyn 8 sport túrinen 34 sportshy qorǵap jatyr.
Olar - qysqy sport oiyndarynyń ishinde sporttyń shańǵy jarysy, fristail-mogýl, shańǵy akrobatikasy, taý shańǵysy, shańǵymen sekirý, biatlon jáne short-trek túrlerinen synǵa túsýde.
Beijiń Olimpiadasy 20 aqpanda máresine jetedi.
