Short-trekten Olimpiada oiyndarynda úzdik bestikke jáne tórttikke engen qazaqstandyq short-trekshiler qansha qarjylai syiaqy alady, dep habarlaidy QazAqparat.
Osydan bir kún buryn short-trekten Qazqstan Ulttyq quramasynyń bas bapkeri Mádiǵali Qarsybekov Beijińdegi Olimpiada oiyndaryn qorytyndylap, óz shákirtteriniń jetistigin joǵary baǵalady. Sondai-aq, júldeli orynǵa synyq súiem jetpei qalǵandaryna ókinish te bildirdi.
Beijiń Olimpiadasynda el tarihynda alǵash ret qos sportshymyz jekelei synnyń finalyna shyqty. Jarystyń alǵashqy kúnderi Ádil Ǵaliahmetov erekshe kózge túsken bolatyn. Ol 1500 metrlik básekeniń finalyna deiin jetti. Alaida sońǵy medalǵa talas kezinde 8-shi satyǵy turaqtady.
Odan keiin Abzal Ájiǵaliev 500 metrlik básekede 4-shi oryn aldy. Osylaisha júldeli orynǵa bir qadam úlgermei qaldy.
Buǵan qosa, jerlesterimiz aralas estafetada aldyńǵy 5-tikten tabyldy. jetistikteriniń arqasynda ulttyq qurama sportshylary 70 myń dollar syiaqy alady.
Atap aitsaq, Qazaqstanda Olimpiada júldegerlerinen bólek 4-shi, 5-shi jáne 6-shy oryn alǵan atletterge de syiaqy berý qarastyrylǵan.
Sol sebepti, Abzalǵa 4-shi oryn úshin 30 myń dollar tabystalady. Al estafetada el namysyn qorǵaǵan Abzal Ájiǵaliev, Denis Nikisha, Olga Tihonova jáne Iana Han tórttigine 10 myń dollardan beriledi.
Al Olimpiada oiyndarynda altyn alǵan sportshyǵa 250 myń, al kúmis pen qolaǵa, sáikesinshe 150 jáne 75 myń dollardan beriledi.
Aita keteiik, atalǵan Aq Olimpiadada oiyndarynda elimizdiń namysyn 8 sport túrinen 34 sportshy qorǵap jatyr.
Olar - qysqy sport oiyndarynyń ishinde sporttyń shańǵy jarysy, fristail-mogýl, shańǵy akrobatikasy, taý shańǵysy, shańǵymen sekirý, biatlon jáne short-trek túrlerinen synǵa túsýde.
Beijiń Olimpiadasy 20 aqpanda máresine jetedi.
