Qytai astanasy Beijiń qalasynda ótip jatqan Aq Olimpiada oiyndarynda jalpy medal kestesinde kóshbasshylardyń orny aýysty, dep habarlaidy QazAqparat.
Búgin Beijińdegi Aq Olimpiia oiyndary segizinshi kúnin artqa tastady. Kún ótken saiyn qysqy oiyndardyń qyzyǵy arta tústi.
Búgin jalpy medal kestesinde úsh kún qatarynan kósh basynda kele jatqan Germaniia men Norvegiianyń altyn medaldary teńesti.
Dese de nemis atletteri kúmis medal jaǵynan alda kele jatyr.
Al úzdik úshinshi orynǵa búgin keshe ǵana 6-shy orynda turǵan AQSh quramasy kóterildi.
Medal kórsetkishimen úzdik ondyqta turǵan elder:
1. Germaniia - 8 altyn, 5 kúmis, 1 qola
2. Norvegiia - 8 altyn, 3 kúmis, 6 qola
3. AQSh - 5 altyn, 5 kúmis, 1 qola
4. Niderland - 5 altyn, 4 kúmis, 2 qola
5. Shvetsiia - 5 altyn, 2 kúmis, 3 qola
6. Avstriia - 4 altyn, 6 kúmis, 4 qola
7. Qytai - 4 altyn, 3 kúmis, 1 qola
8. Resei - 3 altyn, 4 kúmis, 6 qola
9. Italiia - 2 altyn, 5 kúmis, 4 qola
10. Japoniia - 2 altyn, 3 kúmis, 5 qola
Aita keteiik, dál búginge deiin Olimpiada medaline qol jetkizgen elder qatary 26-ǵa jetti.
Onyń ishinde 19 memlekettiń qorjynynda altyn medal bolsa, 22 memlekette kúmis júlde bar.
Sondai-aq, tórt el qola medalge qol jetkizgen. Ókinishke qarai Qazaqstan qorjyny ázirge bos.
Endigi úmit erteńgi jarys jolyna shyǵatyn sportshylarymyzdyń enshisinde ekenin aita keteiik.
Erteń, iaǵni 13 aqpanda qazaqstandyqtar sporttyń 5 túrinen baq synaidy.
