Beijiń qalasynda ótip jatqan Qysqy Olimpiada oiyndarynda norvegiialyq biatlonshy bir ózi tórt altyn medal jeńip aldy, dep habarlaidy QazAqparat.
Búgin norvegiialyq biatlonshy Iohannes Be Qytai astanasy Beijińdegi Olimpiadada mass-start jarysynda top jardy. Ol 15 shaqyrymdy 38 minýt, 14,14 sekýndta júgirip ótti.
Bul onyń Beijiń Olimpiada oiyndaryndaǵy tórtinshi altyn medali. Ol osyǵan deiin aralas estafeta, sprint jáne jekelei jarysta bas júldeni jeńip alǵan bolatyn. Sondai-aq, osydan týra 4 jyl buryn Phenchhan Olimpiadasynda da biatlonnan 20 shaqyrymdyq jekelei synda top jaryp, taǵy da chempion atanǵan edi. Osylaisha ol Qysqy Olimpiada oiyndarynyń 5 dúrkin chempiony degen ataqqa qol jetkizdi. Bes altynnan bólek qorjynynda Olimpiada oiyndarynyń 2 kúmis, 1 qola medali bar.
Taǵy bir aita keterligi, Iohannes Beniń Tardjei esimdi týǵan inisi de Olimpiada oiyndarynda synǵa túsip jatyr. Onyń enshisinde 3 altyn, 2 kúmis, 1 qola medal bar. Osylaisha bir otbasynyń músheleri Olimpiada oiyndarynyń 14 medalin enshilegen.
