Qytai astanasy Beijińde ótip jatqan Aq Olimpiada oiyndarynda búgin Norvegiia quramasy bir kúnde 3 altyn medal jeńip alyp, jeke dara kósh bastady, dep habarlaidy QazAqparat.
Búgin jalpy medaldar kestesinde ózgerister kóp boldy. Norvegiia quramasy bir kúnde úsh altyn, eki kúmiske qol jetkizip, júlde qoryn baiyta tústi. Olardyń enshisinde qazir 12 altyn, 7 kúmis, 7 qola (26) bar.
Ekinshi orynda turǵan Germaniia quramasy da búgin qorjynyn taǵy bir altynmen tolyqtyrdy. Olardyń enshisinde 9 altyn, 6 kúmis, 3 qola (18) medal bar. Al úzdik úshinshi oryndy 7 altyn, 6 kúmis, 4 qola (17) medalmen AQSh quramasy túiindep tur. Búgin olardyń qorjyny tek bir qola medalmen tolyqty.
Medal kórsetkishimen úzdik ondyqta turǵan elder:
1. Norvegiia - 12 altyn, 7 kúmis, 7 qola
2. Germaniia - 9 altyn, 6 kúmis, 3 qola
3. AQSh - 7 altyn, 6 kúmis, 4 qola
4. Avstriia - 6 altyn, 6 kúmis, 4 qola
5. Niderland - 6 altyn, 4 kúmis, 3 qola
6. Qytai - 6 altyn, 4 kúmis, 2 qola
7. Shvetsiia - 5 altyn, 3 kúmis, 3 qola
8. Shveitsariia - 5 altyn, 0 kúmis, 5 qola
9. Resei - 4 altyn, 7 kúmis, 9 qola
10. Frantsiia - 3 altyn, 7 kúmis, 2 qola
Aita keteiik, dál búginge deiin Olimpiada medaline qol jetkizgen elder qatary 26-ǵa jetti. Onyń ishinde 21 memlekettiń qorjynynda altyn medal bolsa, 23 memlekette kúmis júlde bar. Sondai-aq, Belgiia, Latviia Polsha jáne Estoniia elderiniń qorjyndarynda bir-bir qola medaldan bar.
Ókinishke qarai, Qazaqstan qorjyny ázirge bos.
