Foto: CC0 / William Iven /
Oqý-aǵartý ministri Ǵani Beisembaev oqýshylarǵa sabaq ústinde uialy telefon paidalanýǵa tyiym salý týraly normaǵa qatysty túsinikteme berdi, - dep habarlaidy Sputnik Qazaqstan.
Ministr mektep oqýshyǵa sapaly bilim men sanaly tárbie berýi kerek ekenin atap ótti.
"Sondyqtan bala sabaq barysynda muǵalim berip jatqan materialdy tolyq meńgerip, óziniń bilimin shyńdaýy kerek. Búgingi kúni bizdiń balalarymyzdy osy smartfondar alańdatyny belgili. Jalpy bul - búginde ata-analardan, pedagogterden kelip túsken kóptegen ótinish pen shaǵymnyń nátijesinde qabyldanyp otyrǵan shara. Taǵy da shegelep aitamyn: bul - sabaq barysynda ǵana oqýshylardyń smartfondy muǵalimniń ruqsatynsyz paidalanýǵa bolmaityny týraly zań", - dep túsindirdi Beisembaev úkimette ótken brifingte.
Aitýynsha, sabaq aiaqtalǵan soń, úziliste oqýshy ata-anasyna qońyraý shalyp, sóilese alady.
"Bul tek sabaq barysyndaǵy shekteý dep qabyldaý kerek", - dedi vedomstvo basshysy.
Aita keteiik, 30 qarashada Májiliste oqýshylardyń sabaq ústinde telefon paidalanýyna tyiym salýdy kózdeitin zań qabyldandy.
