فوتو: CC0 / William Iven /
وقۋ-اعارتۋ مينيسترٸ عاني بەيسەمباەۆ وقۋشىلارعا ساباق ٷستٸندە ۇيالى تەلەفون پايدالانۋعا تىيىم سالۋ تۋرالى نورماعا قاتىستى تٷسٸنٸكتەمە بەردٸ, - دەپ حابارلايدى Sputnik قازاقستان.
مينيستر مەكتەپ وقۋشىعا ساپالى بٸلٸم مەن سانالى تەربيە بەرۋٸ كەرەك ەكەنٸن اتاپ ٶتتٸ.
"سوندىقتان بالا ساباق بارىسىندا مۇعالٸم بەرٸپ جاتقان ماتەريالدى تولىق مەڭگەرٸپ, ٶزٸنٸڭ بٸلٸمٸن شىڭداۋى كەرەك. بٷگٸنگٸ كٷنٸ بٸزدٸڭ بالالارىمىزدى وسى سمارتفوندار الاڭداتىنى بەلگٸلٸ. جالپى بۇل - بٷگٸندە اتا-انالاردان, پەداگوگتەردەن كەلٸپ تٷسكەن كٶپتەگەن ٶتٸنٸش پەن شاعىمنىڭ نەتيجەسٸندە قابىلدانىپ وتىرعان شارا. تاعى دا شەگەلەپ ايتامىن: بۇل - ساباق بارىسىندا عانا وقۋشىلاردىڭ سمارتفوندى مۇعالٸمنٸڭ رۇقساتىنسىز پايدالانۋعا بولمايتىنى تۋرالى زاڭ", - دەپ تٷسٸندٸردٸ بەيسەمباەۆ ٷكٸمەتتە ٶتكەن بريفينگتە.
ايتۋىنشا, ساباق اياقتالعان سوڭ, ٷزٸلٸستە وقۋشى اتا-اناسىنا قوڭىراۋ شالىپ, سٶيلەسە الادى.
"بۇل تەك ساباق بارىسىنداعى شەكتەۋ دەپ قابىلداۋ كەرەك", - دەدٸ ۆەدومستۆو باسشىسى.
ايتا كەتەيٸك, 30 قاراشادا مەجٸلٸستە وقۋشىلاردىڭ ساباق ٷستٸندە تەلەفون پايدالانۋىنا تىيىم سالۋدى كٶزدەيتٸن زاڭ قابىلداندى.
