Livandaǵy QR diplomatiialyq missiiasynyń konsýly jeńil jaraqat aldy, dep habarlaidy "Ult aqparat" Syrtqy ister ministrligine silteme jasap.
«Elshilik qyzmetkerleri jumys ýaqyty aiaqtalǵan soń úilerine qaityp ketken. Jumysta qalǵan konsýl jarylys tolqynynan azdap jaraqattandy. SIM jergilikti bilikpen bailanysyp otyr. Livanda júrgen Qazaqstan azamattaryna qatysty aqparattardy tekserip jatyr», - delingen habarlamada.
Buǵan deiin habarlanǵandai, Livandaǵy jarylys saldarynan Qazaqstannyń diplomatiialyq missiiasy ǵimaratyna ziian keldi.
Livandaǵy qazaqstandyq diplomattardyń aqparaty boiynsha, 4 tamyzda jergilikti ýaqyt boiynsha saǵat 18:00 shamasynda Beirýttaǵy teńiz portynyń bazasynda birneshe qatty jarylys bolǵan. Jaqyn mańda ornalasqan úilerdiń, sondai-aq epitsentrden birneshe shaqyrym jerde ornalasqan ǵimarattardyń terezeleri shaǵylǵan.
