Qostanai oblysy beipartiialyq sailaýdy baiqaý ortalyǵy aýmaqtyq sailaý komissiialarymen pikir almasý kezdesýlerin ótkizdi, dep habarlaidy QazAqparat.
Biylǵy Májilis depýtattarynyń sailaýy Sailaý zańnamasynyń jańa túzetýlerine sáikes ótedi. Osy rette Qostanai oblysynyń beipartiialyq baiqaý ortalyǵy baiqaýshylardy sapaly daiarlaýǵa erekshe basymdyq berip otyr. Sonymen qatar shtab zańdyq turǵyda adal sailaý ótkizý monitoringin uiymdastyrady.
«Biz zańnamanyń buzý faktilerin anyqtap qana qoimai, olardyń aldyn alýyna mán beremiz. Sol sebepti oblystyq jáne qalalyq sailaý komissiialarynyń basshylarymen kezdesýler ótkizdik. 2021 jyldyń 10 qańtaryndaǵy Parlament sailaýy jańasha ótedi. Birinshiden, 16 jylda alǵash ret parlamenttik sailaý merziminen buryn ótpeidi. Ekinshiden, koronavirýstyq pandemiia jaǵdaiynda ózgeshe bolmaq. Qazir daýys berýge qajetti qural-jabdyqtardyń barlyǵy ornalastyrylǵan. Sailaýshylarǵa da, baiqaýshylarǵa da qajetti jaǵdai jasalǵan. Sanitarlyq sharalar tolyq saqtalǵan. Oblys boiynsha 700-den astam táýelsiz baiqaýshy daiyndalýda. Olar úshin sailaýdy obektivti baǵalaý negizgi qaǵidat bolady», - deidi Bolat Qaliev.
Beipartiialyq baiqaý shtaby kezdesý barysynda sailaý kezindegi ashyqtyq pen jariialylyqty qamtamasyz etý jóninde aýqymdy túsindirme jumystaryn júrgizdi. Bolat Qaliev aitqandai, bul joly sailaýǵa baiqaýshy retinde burynǵydai kez kelgen nietti qoǵamdyq uiymdar emes, jarǵysynda sailaýdy baiqaý maqsaty bar arnaiy uiymdar qatysady. Bul talapqa sai kelse de baiqaýshy-ókildi sailaý ýchaskesinde tirkeý úshin endi jeke basyn kýálandyratyn qujattan basqa baiqaýshynyń kýáligi, jarǵy kóshirmesi, sondai-aq qoǵamdyq birlestik basshysynyń ókilettigin kýálandyratyn qujat talap etiledi.
