Foto: ashyq derekkóz
Beineý aýdandyq prokýratýrasy «Beineý psihologiialyq-pedagogikalyq túzetý kabineti» qyzmetin taldaý barysynda erekshe bilim berý qajettilikteri bar balalardyń bilim alý quqyǵy shektelgen birqatar zań buzýshylyqty anyqtady, dep habarlaidy Ult.kz.
2023–2024 oqý jylynda kórý qabileti tómen 12 balaǵa tiisti tiflopedagog kómegi kórsetilmegen. Máselen, bir balaǵa mamandardyń (defektolog, logoped, psiholog, massajist jáne emdik dene shynyqtyrý nusqaýshysy) kómegi usynylǵanymen, naqty kómek kórsetilmei, jeke damý baǵdarlamasy, sabaq kestesi de daiyndalmaǵan.
Jalpy esep boiynsha, 55 múgedektigi bar balanyń quqyǵy buzylǵan.
Prokýrorlyq akt negizinde:
-
Túzetý kabineti direktory Ákimshilik quqyq buzýshylyq týraly kodekstiń 409-baby 4-bóligi boiynsha ákimshilik jaýapkershilikke tartyldy;
-
Orynbasaryna tártiptik jaza qoldanyldy.
Qabyldanǵan sharalar nátijesinde barlyq balalardyń quqyqtary qalpyna keltirildi.
