Qazaqstan Ulttyq Banki 14 sáýirden bastap «Qazaqstannyń beineleý óneri» seriiasynan nominaly 500 teńgelik M.KENBAEV «ÁŃGIME» kollektsiialyq monetalarynyń satylymǵa shyǵatynyn habarlady.
Monetalar kazcoins.nationalbank.kz platformasynda QUB internet-dúkeni arqyly satylady. :
Moneta dizainynda Qazaq KSR eńbek sińirgen óner qairatkeri, Qazaqstannyń halyq sýretshisi, pedagog ári professor M.Kenbaevtyń «Áńgime» kartinasyndaǵy fragment beinelengen. Materialdardy Á.Qasteev atyndaǵy QR Memlekettik óner mýzeii usyndy.
Moneta aversiniń ortalyq bóliginde Qazaqstan Respýblikasynyń Memlekettik Eltańbasy beinelengen, al jaqtaýynda QAZAQSTAN RESPÝBLIKASY ∙ RESPÝBLIKA KAZAHSTAN» degen jazý bar. Tómengi bóliginde monetanyń nominaly, soǵylǵan jyly, moneta jasalǵan metaldyń salmaǵy men synamasy jazylǵan. Joǵarǵy bóliginde «M.KENBAEV «ÁŃGIME» (1958)» degen jazý men Ulttyq Banktiń taýar belgisi (logotipi) basylǵan.
Monetanyń reversinde sýretshi M.Kenbaevtyń «Áńgime» kartinasyndaǵy fragment beinelengen. Kompozitsiia túrli-tústi baspa tehnologiiasymen jasalǵan.
Monetalar 925/1000 synamaly kúmisten turady. Salmaǵy – 31,1 gramm, sapasy – proof. 500 teńgelik nominalmen 1 500 danasy jasaldy.
