Zań ǵylymdarynyń doktory, professor Marat Qoǵamov «Qazaqstan Respýblikasynda beibit jinalystardy uiymdastyrý jáne ótkizý tártibi týraly» jáne «Qazaqstan Respýblikasynyń keibir zańnamalyq aktilerine beibit jinalystardy uiymdastyrý jáne ótkizý tártibi máseleleri boiynsha ózgerister men tolyqtyrýlar engizý týraly» zań jobalaryna qatysty pikir bildirdi, dep habarlaidy QazAqparat.
«Zań jobasymen jumys aitarlyqtai uzaq ýaqyt júrgizilip, onyń kóptegen erejesi Aqparat jáne qoǵamdyq damý ministrliginiń jumys tobynda naqtylandy. Eger zań jobasyn 1995 jyly qabyldanǵan qoldanystaǵy zańmen salystyrar bolsaq, aiyrmashylyq birden baiqalady. Joba beibit jinalystarǵa qatysýshylardyń barlyǵynyń quqyqtyq sýbektiligin jan-jaqty sipattaidy», - dedi ol.
Zańgerdiń atap ótýinshe, beibit jinalysqa qatysýshylardyń otandastarynyń aldynda belgili bir deńgeide jaýapkershiligi bolýy tiis.
«Beibit jinalystarǵa barlyǵy birdei bara bermeidi. Sondyqtan beibit jinalystardy uiymdastyrshylar jáne qatysýshylar óz oilaryn aitýǵa, qoǵam men memleket ómirine qatysty naqty máseleler boiynsha shaǵymdaryn bildirýge biregei múmkindik alady. Degenmen, munyń barlyǵy da bilik pen politsiia organdarymen yntymaqtasa otyryp, barynsha órkenietti jolmen júrýi tiis», - dedi Marat Qoǵamov.
