زاڭ عىلىمدارىنىڭ دوكتورى, پروفەسسور مارات قوعاموۆ «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» جەنە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوبالارىنا قاتىستى پٸكٸر بٸلدٸردٸ, دەپ حابارلايدى قازاقپارات.
«زاڭ جوباسىمەن جۇمىس ايتارلىقتاي ۇزاق ۋاقىت جٷرگٸزٸلٸپ, ونىڭ كٶپتەگەن ەرەجەسٸ اقپارات جەنە قوعامدىق دامۋ مينيسترلٸگٸنٸڭ جۇمىس توبىندا ناقتىلاندى. ەگەر زاڭ جوباسىن 1995 جىلى قابىلدانعان قولدانىستاعى زاڭمەن سالىستىرار بولساق, ايىرماشىلىق بٸردەن بايقالادى. جوبا بەيبٸت جينالىستارعا قاتىسۋشىلاردىڭ بارلىعىنىڭ قۇقىقتىق سۋبەكتٸلٸگٸن جان-جاقتى سيپاتتايدى», - دەدٸ ول.
زاڭگەردٸڭ اتاپ ٶتۋٸنشە, بەيبٸت جينالىسقا قاتىسۋشىلاردىڭ وتانداستارىنىڭ الدىندا بەلگٸلٸ بٸر دەڭگەيدە جاۋاپكەرشٸلٸگٸ بولۋى تيٸس.
«بەيبٸت جينالىستارعا بارلىعى بٸردەي بارا بەرمەيدٸ. سوندىقتان بەيبٸت جينالىستاردى ۇيىمداستىرشىلار جەنە قاتىسۋشىلار ٶز ويلارىن ايتۋعا, قوعام مەن مەملەكەت ٶمٸرٸنە قاتىستى ناقتى مەسەلەلەر بويىنشا شاعىمدارىن بٸلدٸرۋگە بٸرەگەي مٷمكٸندٸك الادى. دەگەنمەن, مۇنىڭ بارلىعى دا بيلٸك پەن پوليتسييا ورگاندارىمەن ىنتىماقتاسا وتىرىپ, بارىنشا ٶركەنيەتتٸ جولمەن جٷرۋٸ تيٸس», - دەدٸ مارات قوعاموۆ.
