Beibit jinalystar týraly zań normalarynyń is júzinde artyqshylyǵy da, kemshiligi de kórinedi. Memleket basshysy qol qoiǵan beibit jinalystar týraly zańǵa qatysty Aqparat jáne qoǵamdyq damý vitse-ministri Daniiar Esin osylai dedi, dep habarlaidy QazAqparat.
«Beibit jinalystardy uiymdastyrý jáne oǵan qatysý quqyǵy azamattarǵa da, uiymdarǵa da berilgen. Ár adamnyń únine qulaq asqymyz keledi. Sonymen birge beibit jinalystar týraly zańnamany qazir qalyptasqan jaǵdaidan, quqyq qoldaný tájiribesinen, saiasi mádeniet pen dástúrden, saiasi tanymnan bóle jaryp qarastyra almaitynymyzdy túsinýimiz kerek», - dedi Daniiar Esin OKQ-da ótken baspasóz máslihatynda.
Vitse-ministrdiń aitýynsha kez kelgen zań tiri aǵza sekildi.
«Ómir bir orynda turmaidy. Turaqty damý qalpynda. Beibit jinalystar týraly zań normalarynyń is júzinde artyqshylyǵy da, kemshiligi de, sonymen qatar kem-ketikti joiý joly da kórinedi», - deidi Daniiar Esin.
Sonymen qatar, ministrlik ókili zań boiynsha jumys júrgizgen jumys tobynyń múshelerine, Parlament depýtattaryna, azamattyq qoǵam men Ulttyq qoǵamdyq senim keńesiniń múshelerine, quqyq qorǵaý uiymdarynyń ókilderine alǵysyn bildirdi.
