«Beibit jinalystar týraly» Zań qoldanýǵa qolaily ekendigin kórsetti. Mundai pikirdi QR Kásipodaqtar federatsiiasy tóraǵasynyń orynbasary, Ulttyq qoǵamdyq senim keńesiniń múshesi Erlan Sairov bildirdi, dep habarlaidy QazAqparat.
Memleket basshysy Qasym-Jomart Toqaevtyń bastamasymen Ulttyq qoǵamdyq senim keńesi aiasynda saiasi reformalardyń alǵashqy toptamasy usynylǵan edi. Onyń aiasynda «Beibit jinalystar týraly» jańa Zań qabyldandy. Bul zańnyń eske zańnan túbegeili túrde ózgesheligi bar. Sonymen qatar qoǵamymyzdyń demokratiialaný salasyndaǵy mańyzdy qadamy sanalady. Óitkeni, alǵash ret quqyq qoldaný salasynda beibit jinalystar men sherýler ótizý týraly habarlaý ustanymy qoldanylady. Buǵan qosa, osy zań qabyldanǵannan keiin barlyq qalalarda, aýyldarda, barlyq jerde beibit jinalystar ótkizýge arnalǵan oryndar belgilengen edi. Bul oryndar qalalar men aýyldardyń dál ortasynda ornalasqan jáne jinalystar men jiyndar ótkizýge óte qolaily», - dedi Erlan Sairov.
Ulttyq keńes múshesiniń atap ótýinshe, «Beibit jinalystar týraly» Zańda beibit jinalystyń ótkizilýine kedergi keltiretin sheneýnikterdi jazaǵa tartýǵa múmkindik beretin norma kózdelgen.
«Búgingi kúni bul Zań qoldaný barysynda óte yńǵaily ekenin kórsetip otyrǵanyn aitqan jón. Osy Zańǵa sáikes elimizdiń azamattary beibit jinalystar men sherýler ótkizip jatyr jáne elimizdegi barlyq saiasi aspektilerge qatysty ózderiniń tilekteri men oilaryn bildirýge tolyqtai quqyqtary bar», - dedi ol.
