Shanhai yntymaqtastyq uiymyna múshe-memleketterdiń Syrtqy ister ministrleri keńesiniń (ShYU SIMK) otyrysyna qatysý qarsańynda QR Syrtqy ister ministri Beibit Atamqulov Qytai Halyq Respýblikasy Memlekettik keńesiniń múshesi, Syrtqy ister ministri Van Imen kezdesti, dep habarlaidy QazAqparat.
QR SIM baspasóz qyzmetiniń málimetinshe, Qazaqstan men Qytai syrtqy saiasi vedomstvolarynyń basshylary saiasi, saýda-ekonomikalyq salalardaǵy ekijaqty yntymaqtastyq, sondai-aq kópjaqty qurylymdardaǵy ózara yqpaldasý máselelerin talqylady.
QR SIM basshysy biylǵy jyldyń 25-28 sáýirde sátti ótken «Bir beldeý, bir jol» 2-shi Halyqaralyq yntymaqtastyq forýmyna qatysý úshin Qazaqstan Respýblikasynyń Tuńǵysh Prezidenti - Elbasy Nursultan Nazarbaevtyń saparynyń mańyzdylyǵyn atap ótti.
Osy forýmda Elbasy N.Nazarbaev álemdik qoǵamdastyqqa geosaiasi ahýaldyń «Úsh D» úlgisin usyndy jáne qytailyq tarapty ony júzege asyrý úshin odan ári jan-jaqty qoldaýdy surady.
Van I biyl 14-16 mamyrda QKP Ortalyq komiteti Turaqty komitetiniń múshesi, QHR Memlekettik keńesiniń vitse-premeri Han Chjenniń Qazaqstan men Qytai 2-shi Óńiraralyq yntymaqtastyq forýmyna jáne 12-shi Astanalyq ekonomikalyq forýmyna qatysý úshin Qazaqstanǵa saparyn oidaǵydai ótkizilgeni úshin alǵys aitty.
Qytai SIM basshysy Qazaqstanda aldaǵy ýaqytta ótetin prezidenttik sailaýdyń tabysty bolatynyna senim bildirdi.
Qytailyq tarap «Bir beldeý, bir jol» bastamasyn júzege asyrýda Qazaqstannyń jetekshi rólin erekshe atap ótip, ony «Nurly jol» JES-pen tereń ushtastyrý arqyly ózara kólik bailanystaryn kóterýdi, sondai-aq ony ilgeriletýde eki eldiń kóshbasshylyǵyn saqtaýdy usyndy. Bul óz kezeginde, bizdiń elder arasynda tsifrlyq ekonomikany damytý, tsifrlandyrý, joǵary tehnologiialyq, innovatsiialyq jáne elektrondyq kommertsiia salasyndaǵy jańa jobalardyń sanyn arttyrý boiynsha indýstriialyq-investitsiialyq yntymaqtastyqty nyǵaitýǵa yqpal etedi.
Van I Qytai Qazaqstanmen kópjaqty kún tártibindegi keń aýqymdy máseleler boiynsha da ózara tyǵyz yntymaqtastyqqa, QR Tuńǵysh Prezidenti - Elbasy N.Nazarbaev qurýdyń basynda turǵan ShYU, AÓSShK siiaqty halyqaralyq uiymdar sheńberinde tiimdi úilestirýge múddeli ekenin atap ótti.
Syrtqy saiasi vedomstvolarynyń basshylary eki eldiń ShYU-da birqatar bastamalaryna ózara qoldaýdy atap ótti, atap aitqanda ShYU Damý bankin qurý, ulttyq valiýtadaǵy ózara esep aiyrysý úlesin ulǵaitý, tranzit-kóliktik áleýetin paidalaný jáne t.b.
Taraptar ózara qyzyǵýshylyq týdyratyn máseleler boiynsha turaqty bailanystar men qoldaýdy jalǵastyrýǵa kelisti.
