Beibit Álibekov, Nurlan Qoianbaev. Video kadry, Tengrinews.kz/Týrar Kazangapov
Májilis depýtaty, «Respublica» partiiasynyń kóshbasshysy Aidarbek Qojanazarov Dinara Shúkijanovanyń ókilettigin tapsyrýy týraly pikir bildirip, ornyna kim keletini jóninde aitty, dep habarlaidy Kazinform agenttigi.
«Bizde de basqalar siiaqty partiialyq tizim bar. Ortalyq keńespen jinalýdy josparlap otyrmyz, bir aptada kelesi depýtatty anyqtaýymyz kerek. Árine, úmitkerler bar. Biraq Beibit Álibekov pen Nurlan Qoianbaevtyń Parlamentke kelýi ekitalai. Basqa jigitter bar. Ázirge esh favoritimiz joq, bárimiz daýys beremiz. Dinara Shúkijanova múshe bolǵan komitetke sai keletin, kásipkerlik tájiribesi jeterlik birqatar adam bar. Shynymdy aitsam, qazir pikir aitý qiyn, óitkeni árqaisymyzdyń óz oiymyz bar. Endi osy oidyń bárin ortaǵa salamyz. Dinaranyń ózi partiiamyzda teń tóraǵa bolyp qala beredi. Onyń da usynystary bar shyǵar», - dep jaýap berdi Qojanazarov Májilis kýlýarynda.
Onyń aitýynsha, Dinara Shúkijanova kópten beri bizneske qaita oralǵysy keletinin aityp júrgen. Biraq ol bastaǵan bastamalaryn aiaqtaýy kerek edi.
«Qazir barlyq bastamalaryn tabysty aiaqtady, sondyqtan bizneske ketip jatyr. Menimen janjaldasyp ketti degen sóz – qaýeset. Ol – meniń jaqyn dosym, «Respublica» partiiasy qurylmai turyp-aq dos bolǵanbyz. Partiiada kóshbasshylyq úshin kúres bolǵan joq. Ainalyp kelgende, onyń qalaýy ónerkásipte jumys isteý boldy. Joq, ol Qarmetke barmaidy, Qostanaiǵa, ózi jumys istegen kásiporynǵa oralady. Eshkim Májilisten túńilgen joq. Dinara, kerisinshe, óte úlken tájiribe alǵanyn aitýda. Eń bastysy, ol Parlament paraǵyn túbegeili japqan joq. Bolashaqta bul taqyrypqa qaita oralýy múmkin», - dedi partiia basshysy.
Aita keteiik, búgin Parlament Májilisiniń jalpy otyrysynda depýtat Dinara Shúkijanovanyń ókilettigi merziminen buryn toqtatyldy.
