Ishki ister ministrligi qoǵamdyq oryndarda adamnyń túr-sipatyn tanýǵa kedergi keltiretin kiimderdi kiiýge qatysty zań talaptaryn taǵy bir márte eske saldy, dep habarlaidy ult.kz.
Vedomstvonyń málimetinshe, bul norma «Quqyq buzýshylyq profilaktikasy týraly» zańda kózdelgen. Zańǵa sáikes, qoǵamdyq oryndarda adamnyń bet-júzin tolyq nemese ishinara jaýyp, jeke basyn anyqtaýǵa kedergi keltiretin kiimderdi kiiýge tyiym salynady.
Alaida bul talap aýa raiynyń qolaisyz jaǵdailarynda, meditsinalyq kórsetilimder bolǵan kezde, sondai-aq qyzmettik mindetterdi oryndaý barysynda jáne sporttyq nemese mádeni-kópshilik is-sharalarǵa qatysý kezinde qoldanylmaidy.
Ákimshilik quqyq buzýshylyq týraly kodekstiń 434-3-babyna sáikes, mundai quqyq buzýshylyq alǵash ret tirkelse, azamatqa eskertý beriledi. Eger zań buzýshylyq bir jyl ishinde qaita qaitalansa, 10 ailyq eseptik kórsetkish kóleminde aiyppul qarastyrylǵan.
IIM deregine súiensek, qazirgi ýaqytta atalǵan talapty buzǵany úshin 1613 azamat ákimshilik jaýapkershilikke tartylǵan.
Ministrlik bul sharalardyń negizgi maqsaty qoǵamdyq qaýipsizdikti qamtamasyz etý jáne quqyq buzýshylyqtardyń aldyn alý ekenin atap ótti.
