ٸشكٸ ٸستەر مينيسترلٸگٸ قوعامدىق ورىنداردا ادامنىڭ تٷر-سيپاتىن تانۋعا كەدەرگٸ كەلتٸرەتٸن كيٸمدەردٸ كييۋگە قاتىستى زاڭ تالاپتارىن تاعى بٸر مەرتە ەسكە سالدى, دەپ حابارلايدى ult.kz.
ۆەدومستۆونىڭ مەلٸمەتٸنشە, بۇل نورما «قۇقىق بۇزۋشىلىق پروفيلاكتيكاسى تۋرالى» زاڭدا كٶزدەلگەن. زاڭعا سەيكەس, قوعامدىق ورىنداردا ادامنىڭ بەت-جٷزٸن تولىق نەمەسە ٸشٸنارا جاۋىپ, جەكە باسىن انىقتاۋعا كەدەرگٸ كەلتٸرەتٸن كيٸمدەردٸ كييۋگە تىيىم سالىنادى.
الايدا بۇل تالاپ اۋا رايىنىڭ قولايسىز جاعدايلارىندا, مەديتسينالىق كٶرسەتٸلٸمدەر بولعان كەزدە, سونداي-اق قىزمەتتٸك مٸندەتتەردٸ ورىنداۋ بارىسىندا جەنە سپورتتىق نەمەسە مەدەني-كٶپشٸلٸك ٸس-شارالارعا قاتىسۋ كەزٸندە قولدانىلمايدى.
ەكٸمشٸلٸك قۇقىق بۇزۋشىلىق تۋرالى كودەكستٸڭ 434-3-بابىنا سەيكەس, مۇنداي قۇقىق بۇزۋشىلىق العاش رەت تٸركەلسە, ازاماتقا ەسكەرتۋ بەرٸلەدٸ. ەگەر زاڭ بۇزۋشىلىق بٸر جىل ٸشٸندە قايتا قايتالانسا, 10 ايلىق ەسەپتٸك كٶرسەتكٸش كٶلەمٸندە ايىپپۇل قاراستىرىلعان.
ٸٸم دەرەگٸنە سٷيەنسەك, قازٸرگٸ ۋاقىتتا اتالعان تالاپتى بۇزعانى ٷشٸن 1613 ازامات ەكٸمشٸلٸك جاۋاپكەرشٸلٸككە تارتىلعان.
مينيسترلٸك بۇل شارالاردىڭ نەگٸزگٸ ماقساتى قوعامدىق قاۋٸپسٸزدٸكتٸ قامتاماسىز ەتۋ جەنە قۇقىق بۇزۋشىلىقتاردىڭ الدىن الۋ ەكەنٸن اتاپ ٶتتٸ.
