Foto: Nur.kz
Betashar IýNESKO-nyń Adamzattyń materialdyq emes mádeni murasynyń tizimine engizildi. Bul týraly memlekettik keńesshi Erlan Qarin óziniń jelidegi paraqshasynda habarlady.
Mundai sheshim Paragvai astanasy Asýnsonda ótken IýNESKO-nyń Materialdyq emes mádeni murany qorǵaý komitetiniń otyrysynda qabyldanǵan.
"Qazaqtyń ejelgi salttarynyń biri Betashar Adamzattyń materialdyq emes mádeni murasynyń Reprezentativtik tizimine engizildi", - dep jazdy Qarin.
Betashar — qazaqtyń kelin túsirgende jasalatyn saltynyń biri. Shymyldyq ishinde otyrǵan kelinniń basyna oramal jaýyp, toi ótip jatqan úidiń eń jaqyn, úlgili kelinderi eki jaǵynan qoltyqtap alyp shyǵady. Betashardyń tárbielik máni zor bolǵandyqtan, kelinshektiń eki jaǵyna turatyn áielder jesir, jeńiltek, t.b. bolmaýy qatań eskeriledi.
Oramaldyń teńge túiilgen ushyn dombyranyń moinyna ne taiaqtyń ushyna bailap, jyraý betashar jyryn bastaidy. Ol shańyraqqa jańa túsken kelinge ata-enesin, úi-ishin tanystyrady, árqaisysyna jeke-jeke sálem jasatady. Sálem alǵan adam jas kelinge beretin syi-syiapatyn ataidy.
