Foto: akorda.kz
Úkimet shyǵystardyń ekonomikalyq paidasy barynsha joǵary bolýyna basa mán bere otyryp, onyń naqty basymdyqtaryn aiqyndaýy kerek. Bul týraly Úkimettiń keńeitilgen otyrysynda Prezident Qasym-Jomart Toqaev aitty.
«Biýdjet jáne salyq saiasatynyń tiimdiligin barynsha arttyrý qajet. Sońǵy bes jyl ishinde biýdjet tapshylyǵy 11 trillion teńgeden asyp ketti. Sondyqtan biýdjetti tiimdi basqarý jáne onyń ólshemderin neǵurlym durys boljaý Úkimettiń aldynda turǵan basty mindet bolyp qala beredi», - dedi Memleket basshysy.
Prezidenttiń aitýynsha, Qarjy ministrligi byltyrǵy tabys josparyn aldyn ala tólengen osy jyldyń salyqtary esebinen oryndaǵany belgili. 600 milliard teńge kóleminde qosylǵan qun salyǵyn qaitarý ýaqytsha toqtatyldy.
«Demek biýdjet máseleleri biznestiń ainalymdaǵy qarajaty esebinen sheshildi. Áli sheshimin tappaǵan taǵy bir másele – biýdjetti bólý tártibi. Ol ekonomikalyq belsendilikti arttyrýǵa baǵyttalmaǵan. Qarajat kúndelikti máselelerdi sheshýge jumsalady, strategiialyq maqsattar sonyń kóleńkesinde qalady. Úkimet shyǵystardyń ekonomikalyq paidasy barynsha joǵary bolýyna basa mán bere otyryp, onyń naqty basymdyqtaryn aiqyndaýy kerek», - dedi Qasym-Jomart Toqaev.
