Qazaqstanda jańa redaktsiiadaǵy Sý kodeksi ázirlenedi. Bul týraly Úkimet otyrysynda QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Sý resýrstaryn basqarý jónindegi memlekettik baǵdarlamanyń jobasyn ázirledik. Búginde atalǵan memlekettik baǵdarlamany ulttyq jobaǵa ainaldyrý jumystary júrgizilýde. 6 negizgi baǵyt anyqtaldy. Atap aitsaq: birinshisi - sý diplomatiiasyn nyǵaitý úshin memleketaralyq sý qatynastaryn jetildirý; ekinshisi - sý resýrstaryn tsifrlandyrý,esepke alý jáne monitoringileý. Nátijesinde júz 119 sý arnasynda tsifrlandyrý jumystary júrgiziledi. Sonymen qatar, ózen aǵynynyń resýrstaryn aiqyndaýdyń aqparattyq júiesi qurylady», - dedi ministr.
Onyń aitýynsha, úshinshi baǵyt sýdy únemdeýdi qamtidy.Nátijesinde zamanaýi sý únemdegish tehnologiialar qoldanylatyn sýarmaly jerdiń kólemi 221 myń gektardan tórt júz jiyrma myń 420 gektarǵa deiin ulǵaiady. Tórtinshi - irrigatsiialyq júieler men qurylystardy qalpyna keltirý, jańa sý qoimalaryn salý. Nátijesinde shamamen 2000) shaqyrym magistraldyq arnalar rekonstrýktsiialanady. Odan bólek jalpy kólemi 885 mln tekshe metr bolatyn Jambyl, Batys Qazaqstan, Túrkistan, Almaty jáne Qyzylorda oblystarynda 8 jańa sý qoimasy salynady. Al 2025-2030 jyldar ishinde 31 sý qoimasy salynatyn bolady.
«Besinshisi - quqyqtyq bazany jańartý. Osy jumystyń aiasynda jańa redaktsiiadaǵy Sý kodeksi ázirlenedi. Altynshysy - sý salasynyń mamandaryn qazirgi zamanǵy daǵdylarmen daiarlaý jáne ǵylymi qamtamasyz etý», - dedi Maǵzum Myrzaǵaliev.
