Foto ©REUTERS
AQSh prezidenti Djo Baiden, Ulybritaniia premer-ministri Boris Djonson, Italiia premer-ministri Mario Dragi, Frantsiia prezidenti Emmanýel Makron jáne Germaniia kantsleri Olaf Sholts Ýkrainadaǵy jaǵdaidy talqylady, - dep habarlaidy Tengrinews.kz.
Telefon arqyly sóilesken el basshylary Reseige qarsy sanktsiiany kúsheitip, Ýkrainaǵa áskeri, ekonomikalyq jáne diplomatiialyq qoldaý kórsetýdi jalǵastyrý nietterin málimdedi. Bul týraly Ulybritaniia premer-ministri Boris Djonsonnyń keńsesi málimdedi.
"Olar Ýkraina basynan ótkergen sumdyq joiylmaiynsha, Batystyń sheshimin álsiretýge bolmaidy dep kelisti", - delingen habarlamada.
Sonymen qatar, Italiia premer-ministri Mario Dragi keńsesi Eýropa elderi men AQSh-tyń Ýkraina boiynsha kelissózderge qoldaý bildirgenin habarlady.
"Kóshbasshylar gýmanitarlyq dálizdermen qamtamasyz etý jáne bosqyndardy qoldaý máselelerine erekshe nazar aýdara otyryp, Ýkraina halqy men memlekettik mekemelerine kómek kórsetýde tyǵyz úilestirýdiń mańyzdylyǵyn aitty. Sondai-aq olar jalǵasyp jatqan kelissózderge qoldaý kórsetý qajettiligi týraly aitty", - dedi Italiia úkimetiniń basshysy málimdemede.
Bes memleket basshysy sondai-aq, halyqaralyq energetikalyq arhitektýrany qaita qurylymdaý jáne reseilik kómirsýtekterge táýeldilikti azaitý úshin birlesip jumys isteý qajettigin talqylady.
Buǵan deiin Eýropalyq Odaq Ýkrainaǵa basyp kirýge qatysy bar reseilik tulǵalar men qurylymdarǵa qarsy tórtinshi sanktsiia paketin bekitken bolatyn.
