Túrkistan oblysynda bes turǵyn koronavirýs juqtyrǵan Jetisai aýdanynda maskalyq rejim engizildi. Bul týraly Jetisai aýdandyq ákimdigi málimet taratty, dep habarlaidy "Ult aqparat".
«Elimizde jariialanǵan tótenshe jaǵdaiǵa bailanysty qurylǵan shtabtyń sheshimine sáikes aýdan turǵyndarynyń qaýipsizdigin qamtamasyz etý jáne koronovirýs indetiniń aldyn alý maqsatynda Jetisai aýdanyna maskalyq rejim engiziletinin habarlaimyz. Osyǵan orai kóshege shyǵar kezde jalpy qoǵamdyq tártipti saqtaýǵa, meiilinshe kez kelgen jerge maskasyz barmaýǵa keńes beremiz. Tótenshe jaǵdai kezinde tártipti buzǵanyńyz úshin zań aldynda jaýpkershilikke tartylyp, QR Ákimshilik quqyq buzý týraly kodeksiniń 476-baby boiynsha jaýapkershilikke tartylatynyńyzdy eskertemiz» delingen ákimdik habarlamasynda.
Aita keteiik, aýdanda indettiń aldyn alý maqsatynda qaýipsizdik sharalary kúsheitilgen. Arnaiy blok beketter qurylyp, politsiia inspektorlary men meditsina salasynyń mamandary táýlik boiy árbir kólikti toqtatýda. Arnaiy qurylǵymen azamattardyń dene qyzýyn ólshep, tekseristen ótkizýde.
Sonymen qatar, blokbekette tirkeýden ótken árbir azamatqa qaýipsizdik erejelerin qatań saqtap, oiyn-saýyq ortalyqtaryna barmaý men kópshilik oryndardan oqshaýlaný, sanitarlyq-gigienalyq talaptardy saqtaý men betperdemen júrý kerektigi túsindirilýde.
Eske salaiyq, kesheden beri Jetisai aýdanynda bes adamnyń koronavirýs jutyrǵany anyqtalyp otyr. Onyń tórteýi - bir otbasynyń músheleri bolsa, bir adam Almaty qalasyna issaparǵa barǵan bolyp shyqty.
