تٷركٸستان وبلىسىندا بەس تۇرعىن كوروناۆيرۋس جۇقتىرعان جەتٸساي اۋدانىندا ماسكالىق رەجيم ەنگٸزٸلدٸ. بۇل تۋرالى جەتٸساي اۋداندىق ەكٸمدٸگٸ مەلٸمەت تاراتتى, دەپ حابارلايدى "ۇلت اقپارات".
«ەلٸمٸزدە جارييالانعان تٶتەنشە جاعدايعا بايلانىستى قۇرىلعان شتابتىڭ شەشٸمٸنە سەيكەس اۋدان تۇرعىندارىنىڭ قاۋٸپسٸزدٸگٸن قامتاماسىز ەتۋ جەنە كورونوۆيرۋس ٸندەتٸنٸڭ الدىن الۋ ماقساتىندا جەتٸساي اۋدانىنا ماسكالىق رەجيم ەنگٸزٸلەتٸنٸن حابارلايمىز. وسىعان وراي كٶشەگە شىعار كەزدە جالپى قوعامدىق تەرتٸپتٸ ساقتاۋعا, مەيٸلٸنشە كەز كەلگەن جەرگە ماسكاسىز بارماۋعا كەڭەس بەرەمٸز. تٶتەنشە جاعداي كەزٸندە تەرتٸپتٸ بۇزعانىڭىز ٷشٸن زاڭ الدىندا جاۋپكەرشٸلٸككە تارتىلىپ, قر ەكiمشiلiك قۇقىق بۇزۋ تۋرالى كودەكسٸنٸڭ 476-بابى بويىنشا جاۋاپكەرشٸلٸككە تارتىلاتىنىڭىزدى ەسكەرتەمٸز» دەلٸنگەن ەكٸمدٸك حابارلاماسىندا.
ايتا كەتەيٸك, اۋداندا ٸندەتتٸڭ الدىن الۋ ماقساتىندا قاۋٸپسٸزدٸك شارالارى كٷشەيتٸلگەن. ارنايى بلوك بەكەتتەر قۇرىلىپ, پوليتسييا ينسپەكتورلارى مەن مەديتسينا سالاسىنىڭ ماماندارى تەۋلٸك بويى ەربٸر كٶلٸكتٸ توقتاتۋدا. ارنايى قۇرىلعىمەن ازاماتتاردىڭ دەنە قىزۋىن ٶلشەپ, تەكسەرٸستەن ٶتكٸزۋدە.
سونىمەن قاتار, بلوكبەكەتتە تٸركەۋدەن ٶتكەن ەربٸر ازاماتقا قاۋٸپسٸزدٸك ەرەجەلەرٸن قاتاڭ ساقتاپ, ويىن-ساۋىق ورتالىقتارىنا بارماۋ مەن كٶپشٸلٸك ورىنداردان وقشاۋلانۋ, سانيتارلىق-گيگيەنالىق تالاپتاردى ساقتاۋ مەن بەتپەردەمەن جٷرۋ كەرەكتٸگٸ تٷسٸندٸرٸلۋدە.
ەسكە سالايىق, كەشەدەن بەرٸ جەتٸساي اۋدانىندا بەس ادامنىڭ كوروناۆيرۋس جۇتىرعانى انىقتالىپ وتىر. ونىڭ تٶرتەۋٸ - بٸر وتباسىنىڭ مٷشەلەرٸ بولسا, بٸر ادام الماتى قالاسىنا ٸسساپارعا بارعان بولىپ شىقتى.
