Italiianyń burynǵy premer-ministri Silvio Berlýskoni senbi kúni jaqtastarynyń aldynda sóilegen kezde Ýkrainadaǵy soǵysqa bailanysty Resei prezidenti Vladimir Pýtinnen "qatty kóńili qalǵanyn" aitty, dep habarlaidy Azattyq.
"Ýkraina tárizdi beitarap memleket basqynshylyqqa ushyrap, qazir qaisarlyq tanytyp, erkindigi úshin kúresip jatyr. Ýkrainaǵa qarsy basqynshylyq Reseidi Qytaiǵa kiriptar etti. Óte ókinishti. Búkil álem aldynda úlken jaýapkershilikti moinyna alǵan Vladimir Pýtinnen qatty kóńilim qaldy, qapalymyn" dedi Berlýskoni. Onyń sózinen partiianyń baspasóz hatshysy úzindi keltiredi.
Il Giornale basylymynyń jazýynsha, Berlýskoni Kiev oblysynyń Býcha qalasynda "naǵyz áskeri qylmys jasaldy jáne Resei jaýapkershiligin joqqa shyǵara almaidy" degen.
Italiia aqparat quraldarynyń jazýynsha, 85 jastaǵy milliarder Resei Ýkrainaǵa basyp kirgeli beri málimdemelerinde Vladimir Pýtinniń atyn atamaǵan. Tek "qaqtyǵystyń ýshyǵýyna alańdaýly" ekenin aitýmen shektelgen.
Osyǵan deiin Berlýskoni Pýtindi "dosym" dep ataǵan, olar bir-biriniń rezidentsiialaryna jii baryp turǵan. 2021 jyly qyrkúiekte Pýtin ony telefonmen týǵan kúnimen quttaqtaǵannan keiin Berlýskoni Resei basshysyn "osy zamannyń sońǵy birtýar saiasi lideri" dep ataǵan edi.
