Memleketimizdiń táýelsizdiginiń 30 jyldyǵyn atap ótý aiasynda jáne Astana kúnine orai Germaniianyń elordasy Berlin qalasynyń «Mall of Berlin» eń tanymal saýda ortalyǵynda «Tabiǵat, mádeniet, adamdar. Ǵajaiyp Qazaqstan» atty fotokórme ashyldy, dep habarlaidy "Ult aqparat".
Ashylý rásiminde Qazaqstannyń Elshisi Dáýren Káripov memleketimizdiń tarihy men halqymyzdyń mádenieti, sondai-aq salt-dástúrleri týraly aityp ótti.
Is-sharaǵa qatysýshylar ata-babamyz shyǵarǵan tabiǵi ónertabys – kiiz úimen tanysyp, Qazaqstannyń zamanaýi arhitektýrasyn, tabiǵatyn, ulttyq taǵamdary men adamdaryn kórsetetin fotokórmeni tamashalai aldy.
Ashylý rásimi qazaq ulttyq mýzykasymen aiaqtaldy.
Arnaiy osy kórmege kelgen Qazaq ulttyq óner ýniversitetiniń stýdentteri «Mall of Berlin» ortalyǵynyń qonaqtary úshin qazaq halyq ánderi men kúilerin oryndady.
Elshilik pen Qazaqstannan Germaniiaǵa qonys aýdarǵan nemisterdiń «Qazan e.V.» atty qaýymdastyǵy uiymdastyrǵan kórme 5-17 shilde aralyǵynda ótedi.
Osy kezeńde kórmede sonymen qatar Qazaqstannyń otandyq ónderýshileri ózderiniń ekologiialyq ónimderin usynady.
