«Otandastar» qory QR Aqparat jáne qoǵamdyq damý, Syrtqy ister ministrlikteriniń qoldaýymen, sondai-aq «Dúniejúzi qazaqtary qaýymdastyǵy» HQU-men birlese otyryp, Germaniia astanasynda «Abai úii» qazaq mádeni-iskerlik úiiniń saltanatty ashylýyn ótkizdi, dep habarlaidy "Ult aqparat".
QR Aqparat jáne qoǵamdyq damý ministrliginen málim etkendei, shara aiasynda «Abai úii» mádeni-iskerlik úiiniń tusaýkeseri ótip, onda Germaniiadaǵy qazaq qoǵamdastyǵynyń mádeni, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy.
Eske sala keteiik, buǵan deiin «Abai úii» mádeni-iskerlik úileri Ombyda (Resei), Tashkentte (Ózbekstan), Ystanbulda (Túrkiia) ashylǵan bolatyn. Sonymen birge «Otandastar qory» KEAQ shet memleketterde «Abai úii» mádeni-iskerlik úileri jelisin ashýdy jalǵastyrýda.
Is-sharaǵa QR Aqparat jáne qoǵamdyq damý ministrligi Etnosaralyq qatynastardy damytý komiteti tóraǵasynyń orynbasary Erkin Úisimbaev, QR Syrtqy ister ministrligi Konsýldyq qyzmet departamenti qazaq diasporasymen jumys basqarmasynyń basshysy Muhtar Káribai, Qazaqstannyń Germaniiadaǵy Elshiliginiń mádeniet jónindegi attashesi Qýanysh Ámirǵaziev, «Otandastar» qory» KEAQ vitse-prezidenti Maǵaýiia Sarbasov, Germaniia-Qazaqstan qoǵamynyń direktory Galina Nurtazinova, Qazaqstan Respýblikasynyń Baden-Viýrtembergtegi qurmetti konsýly Doroteia Haller-Leible, Germaniiadaǵy qazaq qaýymynyń ókilderi jáne taǵy basqalary qatysty.
