Germaniia astanasy Berlin qalasynda qazaqtyń bas aqyny Abai Qunanbaiulynyń eskertkishi ornatylady.
Bul týraly Germaniiadaǵy Deutsch-Kasachische Gesellschaft Germaniia-Qazaqstan qoǵamynyń jetekshisi Galina Nurtazina málim etti, dep habarlaidy QazAqparat.
«2000 jyly Germaniia astanasy Berlinde Abai atyndaǵy kóshe ashyldy. Qatelespesem Eýropa keńistiginde Abaidyń qurmetine berilgen alǵashqy kóshe. Árine, bul jerde Qazaqstan respýblikasynyń orny men elshilik qyzmetkerleriniń eńbegi zor. Biyl Berlindegi Abai atyndaǵy kóshe boiynda onyń eskertkishi ornatylady», - dedi Galina Nurtazina «Adamzattyń bárin súi, baýyrym dep» atty aqyn Abaidyń týǵan kúnine orai onlain ótken kontsert barysynda.
Onyń aitýynsha, Berlindegi Abai kóshesi Qazaqstan elshiligi ǵimaratynana jaqyn jerde ornalasqan.
«Elshilikke qonaq bolyp kelgen árbir adam Abaidyń kim ekenin surap jatady. Árine, biz qýana-qýana Abaidyń qazaq halqy úshin kim ekenin aityp beremiz. Abai jáne onyń shyǵarmashylyǵyn halyqaralyq deńgeide dáripteý maqsatynda ótken jyldyń qarasha aiynan bastap bizdiń ortalyqta «Abai úii» óz esigin aiqara ashty. Aldaǵy qarashada ortalyqtyń jumys istep turǵanyna 1 jol tolady. Osy ýaqyt aralyǵynda kóptegen is-sharalar uiymdastyryldy», - deidi ol.
