Koronavirýs juqtyryp alǵan QR Prezidentiniń baspasóz hatshysy Berik Ýálidiń densaýlyǵy jaqsaryp, aýrýhanadan shyqty, dep habarlaidy "Ult aqparat".
«Iá, búgin aýrýhanadan shyqtym. Meditsinalyq qorytyndyda densaýlyǵymnyń jaqsarǵany jazylǵan. Dárigerler koronavirýs infektsiiasynyń aýyr túri degen diagnoz qoiǵan edi. Ekijaqty polisegmenttik pnevmaniiamen 5 kún boiy reanimatsiia bólimshesinde jattym. Qazir úige shyqqanymmen qatań karantindik baqylaýda bolamyn. Dárigerler de densaýlyǵymdy jiti qadaǵalap otyrady. Otbasymmen de bailanysty barynsha azaitýǵa týra keledi», - dedi Berik Ýáli.
QR Prezidentiniń baspasóz hatshysy aldaǵy ýaqytta da qashyqtan jumys istei beretindigin aita kele, koronavirýs indetimen kúresip júrgen, onyń ishinde ózin emdegen dárigerlerge, jalpy meditsina qyzmetkerlerine shynaiy rizashylyǵyn bildirip ótti.
«Ózderińiz de bilesizder, keshe ǵana Meditsina qyzmetkerleri kúnin atap óttik. Osy oraida olardyń naǵyz batyr ekendigin atap ótsem deimin. Olardyń kópshiligi birneshe ai boiy otbasyn da kórgen joq. Kúni-túni koronavirýs infektsiiasymen kúresip jatyr. Sondyqtan olarǵa shynaiy rizashylyǵymdy bildiremin», - dedi Berik Ýáli.
Esterińizge sala keteiik, QR Prezidentiniń baspasóz hatshysy Berik Ýáli 6 maýsymda koronavirýs juqtyryp alǵandyǵyn áleýmettik jelide jazǵan edi.
