Prezidenttiń baspasóz hatshysy Berik Ýáli jańa qyzmetke taǵaiyndaldy, - dep habarlaidy "Ult aqparat".
"Berik Ýáli "Habar" agenttigi" AQ basqarma tóraǵasy bolyp taǵaiyndaldy. Buǵan deiin ol Qazaqstan Respýblikasy Prezidentiniń baspasóz hatshysy qyzmetin atqarǵan", - delingen agenttiktiń baspasóz habarlamasynda.
Berik Ýáli 1977 jyly dúniege kelgen. Júrgenov atyndaǵy Qazaq memlekettik teatr jáne kino institýtyn "Kinotanýshy" mamandyǵy boiynsha, sondai-aq, Ál-Farabi atyndaǵy Qazaq ulttyq ýniversitetiniń "Jýrnalistika" mamandyǵy boiynsha magistratýrasyn jáne Qazaq gýmanitarlyq-zań innovatsiialyq ýniversitetin "Quqyqtaný" mamandyǵy boiynsha bitirgen.
Eńbek jolyn "Tań" telekompaniiasy aqparattyq baǵdarlamasynyń korrespondenti bolyp bastaǵan, "NTK" telearnasynyń shyǵarýshy redaktory, "31-arnada" jaýapty jáne bas redaktor, "Habar" agenttiginiń aqparattyq baǵdarlamalarynyń redaktory-jetekshi, Qazaqstan telearnasynyń "1-stýdiia" tok-shoýynyń júrgizýshisi, "Nur Media" Sybailas jemqorlyqqa qarsy media ortalyǵynyń basshysy bolyp jumys istedi. Baspasóz qyzmetiniń basshysy, Ońtústik Qazaqstan oblysy ákimi apparaty basshysynyń orynbasary, Ońtústik Qazaqstan oblysy ishki saiasat jáne din isteri basqarmasynyń basshysy, "Nur Otan" partiiasy tóraǵasy birinshi orynbasarynyń keńesshisi, "Nur Media" JShS baqylaý keńesiniń tóraǵasy, ministrdiń keńesshisi, QR Investitsiialar jáne damý ministrligi aqparattyq qamtamasyz etý departamentiniń direktory, Jambyl oblysy ishki saiasat basqarmasynyń basshysy qyzmetterin atqarǵan.
2019 jylǵy naýryzda Memleket basshysynyń ókimimen Qazaqstan Respýblikasy Prezidentiniń baspasóz hatshysy bolyp taǵaiyndaldy. "Daryn" memlekettik jastar syilyǵynyń laýreaty.
