Prezidenttiń baspasóz hatshysy Berik Ýáli Qasym-Jomart Toqaevtyń qańtar oqiǵalary týraly suhbaty nege orys tilinde ekenin túsindirdi, - dep habarlaidy "Ult aqparat".
"Búgin respýblikalyq telearnalardan Memleket basshysy Qasym-Jomart Toqaevtyń suhbaty kórsetiledi. Osyǵan bailanysty Prezident nege memlekettik emes, orys tilinde suhbat beredi degen saýaldar kelip túsip jatyr. Atalǵan suhbat álemdik aýditoriiaǵa arnalǵan. Qazaqstanda bolyp jatqan oqiǵalarǵa álemdik qoǵamdastyq qyzyǵýshylyq týdyryp otyr. Sondyqtan taqyryptyń ózektiligin eskere otyryp, suhbattyń meilinshe keń taralýyn kózdedik.
Qańtar aiynda sheteldik (Resei, Eýropa, AQSh) iri buqaralyq aqparat quraldarynan Memleket basshysynyń atyna suhbat berý jóninde kóp ótinish tústi. Alaida Prezidenttiń jumys kestesiniń tyǵyzdyǵyna bailanysty biz tek "Habar24" telearnasymen ǵana shektelýdi jón kórdik. Otandyq BAQ-qa beriletin kelesi kólemdi suhbat mindetti túrde qazaq tilinde bolady", - dep jazdy Berik Ýáli Facebook-te.
