پرەزيدەنتتٸڭ باسپاسٶز حاتشىسى بەرٸك ۋەلي قاسىم-جومارت توقاەۆتىڭ قاڭتار وقيعالارى تۋرالى سۇحباتى نەگە ورىس تٸلٸندە ەكەنٸن تٷسٸندٸردٸ, - دەپ حابارلايدى "ۇلت اقپارات".
"بٷگٸن رەسپۋبليكالىق تەلەارنالاردان مەملەكەت باسشىسى قاسىم-جومارت توقاەۆتىڭ سۇحباتى كٶرسەتٸلەدٸ. وسىعان بايلانىستى پرەزيدەنت نەگە مەملەكەتتٸك ەمەس, ورىس تٸلٸندە سۇحبات بەرەدٸ دەگەن ساۋالدار كەلٸپ تٷسٸپ جاتىر. اتالعان سۇحبات ەلەمدٸك اۋديتوريياعا ارنالعان. قازاقستاندا بولىپ جاتقان وقيعالارعا ەلەمدٸك قوعامداستىق قىزىعۋشىلىق تۋدىرىپ وتىر. سوندىقتان تاقىرىپتىڭ ٶزەكتٸلٸگٸن ەسكەرە وتىرىپ, سۇحباتتىڭ مەيلٸنشە كەڭ تارالۋىن كٶزدەدٸك.
قاڭتار ايىندا شەتەلدٸك (رەسەي, ەۋروپا, اقش) ٸرٸ بۇقارالىق اقپارات قۇرالدارىنان مەملەكەت باسشىسىنىڭ اتىنا سۇحبات بەرۋ جٶنٸندە كٶپ ٶتٸنٸش تٷستٸ. الايدا پرەزيدەنتتٸڭ جۇمىس كەستەسٸنٸڭ تىعىزدىعىنا بايلانىستى بٸز تەك "حابار24" تەلەارناسىمەن عانا شەكتەلۋدٸ جٶن كٶردٸك. وتاندىق باق-قا بەرٸلەتٸن كەلەسٸ كٶلەمدٸ سۇحبات مٸندەتتٸ تٷردە قازاق تٸلٸندە بولادى", - دەپ جازدى بەرٸك ۋەلي Facebook-تە.
