QR qarjy ministriniń buiryǵymen Berik Tóleýtaiuly Nájimidenov QR Qarjy ministrliginiń Ishki memlekettik aýdit komitetiniń tóraǵasy qyzmetine taǵaiyndaldy. Bul týraly QR Premer-Ministriniń Baspasóz qyzmeti habarlaidy.
Berik Nájimidenov 1979 jyly Pavlodar oblysynda dúniege kelgen. S. Toraiǵyrov atyndaǵy Pavlodar memlekettik ýniversitetin támamdaǵan. Mamandyǵy — ekonomist-menedjer, zańger.
Eńbek jolyn 2000 jyly Pavlodar munai óńdeý zaýytynda operator bolyp bastaǵan.
2002-2012 jyldary QR Qarjy ministrligi Qarjylyq baqylaý komitetiniń Pavlodar oblysy boiynsha basqarmasynda túrli laýazymdardy atqarǵan. 2012-2014 jyldary Astana qalasy Qarjy ministrliginiń Qarjylyq baqylaý komitetinde jumys istegen.
2014-2016 jyldary Qaraǵandy q. QR QM Qarjylyq baqylaý jáne ishki memlekettik aýdit komitetinde jumys istedi.
2016 jylǵy jeltoqsannan bastap qazirgi ýaqytqa deiin Nur-Sultan q. QR QM Ishki memlekettik aýdit komiteti tóraǵasynyń orynbasary qyzmetin atqardy.
