Bas prokýror Berik Asylov qańtar oqiǵasy boiynsha terrorizm aktileri boiynsha 46 qylmystyq is tergelip jatqanyn aitty, dep habarlaidy QazAqparat.
«Vedomstvoaralyq jedel-tergeý toby 4 baǵytty pysyqtaýda.
Birinshi. Uiymdastyrý jáne qatysý. Jappai tártipsizdikter boiynysha 44 qylmystyq is tekserilip jatyr. Aqtóbe jáne Jambyl oblystarynda 9 uiymdastyrýshy qamaýǵa alyndy.
Olar tártipsizdikterge, memlekettik jáne kommertsiialyq nysandardy qiratýǵa shaqyrdy degen kúdikke ilindi. Tártipsizdikterge qatysýshylarǵa qatysty 15 qylmystyq is qozǵaldy. Osy ister boiynsha 527 adam kúdikti retinde ótýde. 278 adam qamaýǵa alyndy», - dedi Bas prokýror Májilistiń jalyp otyrsynda.
Sondai-aq, ol jappai tártipsizdik pen terrorizm aktileriniń aiyrmashylyǵy nede ekenin túsindirdi.
«Ekinshi. Terrorizm aktileri boiynsha 46 qylmystyq is tergelýde. Barlyq aiyptalýshylar boiynsha jedel-izdestirý sharalary júrgizilýde.
Bul jerde jappai tártipsizdik pen terrorizm aktileriniń aiyrmashylyǵy nede ekenin túsindirgim keledi. Tártipsizdikter men terroristik shabýyldar kezinde zorlyq-zombylyq, qiratý, qarýly qarsylyq oryn alady. Biraq tártipsizdikter retsiz, bilikke eshqandai talaptar qoiylmaidy.
Óz kezeginde terroristik aktilerdiń maqsaty – halyqty qorqytý jáne memlekettik organdardyń qyzmetin ádeii toqtatý.
Bilikke talaptar qoiylady, strategiialyq obektiler, bilik pen quqyq qorǵaý organdary qarý-jaraqpen basyp alynady nemese joiylady», - dedi Berik Asylov.
