Foto: Bas prokýratýra
Bas Prokýror Berik Asylov H áleýmettik jelisinde Memleket basshysy Qasym-Jomart Toqaevtyń nashaqorlyqtyń aldyn alýdy, ásirese bilim berý jáne aqparattyq salalarda kúsheitý tapsyrmasyna qatysty málimdeme jasady. Onyń aitýynsha, qazirgi tańda jastar men oqý oryndaryn tarta otyryp, 40-tan astam memorandým jasalǵan, dep habarlaidy Ult.kz.
Jastar men qoǵamnyń qatysýy
Nazarbaev ýniversitetimen, Qazaqstannyń jetekshi joǵary oqý oryndarymen jáne basqa da uiymdarmen birlesip, esirtkige qarsy keń aýqymdy naýqandar júrgizilýde. Mysaly, Abai oblysynda zań fakýltetiniń stýdentteri mektep oqýshylarymen kezdesýler ótkizýdi kózdeitin joba bastady. Almatydaǵy «Jastarmen» jobasy aiasynda 3,5 myńnan astam stýdent politsiiamen birlesip reidterge qatysýda. Shyǵys Qazaqstan oblysynda prokýrorlar men biznes ókilderi «STOP esirtki!» bastamasyn bastap, esirtkige qatysty quqyq buzýshylyqtar týraly habarlaǵan adamdarǵa syiaqy tóleitin jeke qor qurdy.
Qarjylyq qylmystarmen kúres
Memleket basshysynyń tapsyrmasy boiynsha, kúmándi qarjy aǵyndaryn baqylaýdy kúsheitý maqsatynda «aqsha izine túsý» qaǵidaty boiynsha esirtki biznesin uiymdastyrýshylardyń múlki men tsifrlyq aktivterin tárkileýdiń jańa ádistemesi ázirlendi.
- - Aqtaý men Shymkentte uiymdasqan qylmystyq toptyń 9 múshesi ustalyp, olardan jalpy somasy 2,3 mlrd teńge tárkilendi.
- - Ulytaý oblysynda quny 6 mln dollar bolatyn kriptovaliýtaǵa tyiym salyndy.
- - Astanada birneshe esirtki dúkeniniń qyzmeti toqtatylyp, quny 3,8 mln dollar bolatyn kriptovaliýtaǵa tyiym salyndy.
Sondai-aq, Shymkentte arnaiy prokýrorlar AQSh-tyń Esirtkige qarsy kúres basqarmasynyń kómegimen bir iri esirtki dúkeniniń sheteldik aǵyndaryn baqylap, 70 mlrd teńgege 500 myń tranzaktsiiany anyqtady. Nátijesinde, 24 qatysýshy qamaýǵa alynyp, eki astyrtyn zerthana joiyldy.
Qazirgi tańda esirtki qylmysymen kúresý úshin IT-tehnologiialar belsendi qoldanylýda. Jyl basynan beri quny 2,3 mlrd teńge bolatyn 85 myńnan astam bank kartasyna tyiym salyndy. Jalpy alǵanda, esirtki isteri boiynsha tárkilengen aktivterdiń somasy 11,5 mlrd teńgeden asady.
