QR Mádeniet jáne sport ministrligi Ulttyq arhiv jáne Sirek kitaptar men qoljazbalar ortalyǵy janynan «Arhiv-2025» ǵylymi-ádistemelik ortalyǵyn qurdy. Onyń basshysy bolyp Mádeniet jáne sport ministriniń shtattan tys keńesshisi Berik Ábdiǵaliuly taǵaiyndaldy, dep habarlaidy "Ult aqparat".
Ortalyqtyń maqsaty - Elbasynyń «Uly dalanyń jeti qyry» maqalasynda aitylǵan «Arhiv-2025» baǵdarlamasyn iske asyrý boiynsha úilestirý jáne ádistemelik jumystaryn júrgizý, memlekettik organdarmen, arhivtermen, ýniversitettermen, institýttarmen, ǵylymi qaýymdastyqpen birge ulttyq tarihty tereńinen tutas qaraýǵa múmkindik beretin otandyq jáne halyqaralyq arhivterdiń qujattary negizinde ǵylymi zertteý jumystaryn uiymdastyrý.
Mindetteri - elimizdiń arhivteri men ǵalymdardyń shetelden ákelgen arhiv qujattaryn inventarizatsiialaý; qaitarylǵan arhivtik qujattardyń biryńǵai bazasyn qurý; «Arhiv-2025» baǵdarlamasy sheńberinde is-sharalardy júzege asyrý boiynsha shetel arhivterimen ózara yntymaqtastyq mehanizmin qurý, vedomstvoaralyq úilestirý jáne barlyq deńgeidegi memlekettik organdarmen jáne ǵylymi qaýymdastyqpen birlesip jumys júrgizý.
Sonymen qatar Ortalyq otandyq jáne sheteldik iri arhivtermen júieli jáne uzaq merzimdi ózara yntymaqtastyq boiynsha tarihshylardyń, ǵalymdardyń, arhivisterdiń arnaiy toptarynyń izdestirý-zertteý jumystaryna ádistemelik qoldaý kórsetedi.
Jalpy «Arhiv-2025» baǵdarlamasy aiasynda arhiv materialdaryn anyqtaý, jinaý, júieleý, jariialaý; qaitarylǵan arhivtik qujattardy tsifrlyq formatqa ainaldyrý; izdeý jáne zertteý jumystarynyń materialdary negizinde kitaptar, anyqtamalyqtar, jinaqtar, katalogtar shyǵarý jumystary josparlanǵan.
«Arhiv-2025» sheńberinde jobalyq jumystar, ǵylymi zertteýler ýniversitettermen, zertteý ortalyqtarymen, jergilikti atqarýshy organdarmen birlese otyryp, vedomstvoaralyq jáne halyqaralyq yntymaqtastyq boiynsha kezeń-kezeńmen júzege asyrylady.
Aǵymdaǵy jyldyń 16 qańtarynda Qazaqstan Respýblikasynyń Ulttyq arhivinde ǵylymi qaýymdastyqtyń jáne arhivisterdiń usynystaryn zerdeleý maqsatynda QR MKK jáne QR BǴM alǵashqy birlesken otyrysy ǵalymdar men arhiv salasynyń qyzmetkerleriniń qatysýymen dóńgelek ústel formatynda ótti.
Ǵylymi qaýymdastyqtyń jáne arhivisterdiń keńes berý sipatyndaǵy osyndai kezdesýleri elimizdiń barlyq óńirlerinde ótkiziledi. Jaqyn arada ol L.N.Gýmilev atyndaǵy EUÝ-de jáne Almaty qalasynda ótedi.
.jpeg)