Foto: ashyq derekkóz
Oiyn-saýyq biznesiniń keibir ókilderine salyq organdarynan kólemdi bereshek týraly eskertýler kelip jatyr, dep habarlaidy Ult.kz.
Belgili bloger Álisher Elikbaevtyń málimdeýinshe, saladaǵy kei áriptesteriniń salyq qaryzy 300 million teńgeden asyp ketken. Ózi de qaryz adamdardyń tiziminde. Bloger salyq organdary mundai somany qalai eseptegenin túsinbei dal.
"300 million? Eger tólenbegen salyq osynsha bolsa, bul blogerlerdiń qarjy ainalymy milliard teńgeden asýy kerek. Biraq buǵan sený qiyn", – deidi ol.
Elikbaevtyń aitýynsha, salyq organdarynyń nazaryndaǵy blogerler qazir: "Bul somany memleket qaidan shyǵardy? Mundai aqshany túsimizde de kórgen joqpyz" dep tiisti mekemelerge shaǵymdanýda.
Bloger ózi de osy tizimde ekenin moiyndap, shamamen bes million teńge qaryzy paida bolǵanyn habarlady. Ol qaiyrymdylyq maqsatynda halyqtan jinalǵan qarajat (onyń kartasyna túsken) jeke tabys retinde eseptelgen bolýy múmkin degen kúdigin bildirdi.
"Buryn donorlyq búirekke aqsha jinadym, keiin balalar hospisine reanimobil alý úshin de meniń kartama qarajat aýdaryldy. Salyq organdary muny tabys retinde sanaǵan siiaqty", – deidi Elikbaev.
Aita keteiik, Úkimet jaqynda sarapshylarmen jáne biznes ókilderimen salyq reformasy máselesin talqylaǵan bolatyn.
