فوتو: اشىق دەرەككٶز
ويىن-ساۋىق بيزنەسٸنٸڭ كەيبٸر ٶكٸلدەرٸنە سالىق ورگاندارىنان كٶلەمدٸ بەرەشەك تۋرالى ەسكەرتۋلەر كەلٸپ جاتىر, دەپ حابارلايدى Ult.kz.
بەلگٸلٸ بلوگەر ەلٸشەر ەلٸكباەۆتىڭ مەلٸمدەۋٸنشە, سالاداعى كەي ەرٸپتەستەرٸنٸڭ سالىق قارىزى 300 ميلليون تەڭگەدەن اسىپ كەتكەن. ٶزٸ دە قارىز ادامداردىڭ تٸزٸمٸندە. بلوگەر سالىق ورگاندارى مۇنداي سومانى قالاي ەسەپتەگەنٸن تٷسٸنبەي دال.
"300 ميلليون? ەگەر تٶلەنبەگەن سالىق وسىنشا بولسا, بۇل بلوگەرلەردٸڭ قارجى اينالىمى ميلليارد تەڭگەدەن اسۋى كەرەك. بٸراق بۇعان سەنۋ قيىن", – دەيدٸ ول.
ەلٸكباەۆتىڭ ايتۋىنشا, سالىق ورگاندارىنىڭ نازارىنداعى بلوگەرلەر قازٸر: "بۇل سومانى مەملەكەت قايدان شىعاردى? مۇنداي اقشانى تٷسٸمٸزدە دە كٶرگەن جوقپىز" دەپ تيٸستٸ مەكەمەلەرگە شاعىمدانۋدا.
بلوگەر ٶزٸ دە وسى تٸزٸمدە ەكەنٸن مويىنداپ, شامامەن بەس ميلليون تەڭگە قارىزى پايدا بولعانىن حابارلادى. ول قايىرىمدىلىق ماقساتىندا حالىقتان جينالعان قاراجات (ونىڭ كارتاسىنا تٷسكەن) جەكە تابىس رەتٸندە ەسەپتەلگەن بولۋى مٷمكٸن دەگەن كٷدٸگٸن بٸلدٸردٸ.
"بۇرىن دونورلىق بٷيرەككە اقشا جينادىم, كەيٸن بالالار حوسپيسٸنە رەانيموبيل الۋ ٷشٸن دە مەنٸڭ كارتاما قاراجات اۋدارىلدى. سالىق ورگاندارى مۇنى تابىس رەتٸندە ساناعان سيياقتى", – دەيدٸ ەلٸكباەۆ.
ايتا كەتەيٸك, ٷكٸمەت جاقىندا ساراپشىلارمەن جەنە بيزنەس ٶكٸلدەرٸمەن سالىق رەفورماسى مەسەلەسٸن تالقىلاعان بولاتىن.
