"Báiterek" ulttyq basqarýshy holdinginiń basqarma tóraǵasy Qanat Sharlapaev Bereke Bank (burynǵy "Sberbank Qazaqstan") direktorlar keńesiniń tóraǵasy bolyp sailandy, - dep habarlaidy "Ult aqparat".
Qazaqstan qor birjasy (KASE) málimeti boiynsha, "Resei Sberbanki" AQ enshiles banki zańdy tulǵany memlekettik qaita tirkeý týraly 2022 jylǵy 14 qyrkúiektegi anyqtama kóshirmesin usynǵan, oǵan sáikes uiym Bereke Bank AQ bolyp qaita tirkelgen.
Sondai-aq, direktorlar keńesiniń 2022 jylǵy 16 qyrkúiektegi sheshimi boiynsha Qanat Sharlapaev banktiń direktorlar keńesiniń tóraǵasy bolyp sailanǵany habarlandy.
"Engizilgen ózgeristerdi eskere otyryp, Bereke Bank AQ direktorlar keńesi bes adamnan turady: A.R. Elemesov, M.D. Mádiev, A.B. Muhamedjanov, E.E. Hamitov, Q.B. Sharlapaev", - delingen habarlamada.
Qanat Sharlapaev "Báiterek" holdingin 2022 jyldyń aqpanynan bastap basqaryp keledi. Buǵan deiin "Siti" investbankiniń (BAÁ) Afrika, Taiaý Shyǵys jáne Shyǵys Eýropanyń damýshy naryqtaryndaǵy strategiia, josparlaý jáne taldaý jónindegi óńirlik direktory bolyp jumys istegen.
