Eýraziialyq problemalar monitoringi ortalyǵynyń direktory Aslan Rýbaev Túrikmenstan prezidenti Gýrbangýly Berdimuhamedovtiń ólimi týraly aqparattyń rastalmaǵanyn aitty. Ol jalǵan aqparat taratqany úshin keshirim surady, dep habarlaidy "Sputnik".
Buǵan deiin saiasatker Aslan Rýbaev "Govorit Moskva" radiostantsiiasyna bergen suqbatynda Túrikmenstan basshysy demalys kezinde kóz jumdy degen bolatyn. Ol arnaiy qyzmetterdegi derekkózge silteme jasaǵan.
Keiin ol óziniń Facebook paraqshasynda Gýrbangýly Berdimuhamedovtiń ólimi týraly aqparatty joqqa shyǵardy.
"Men Gýrbangýly Berdimuhamedovtiń ólimi týraly aqparattyń rastalmaǵanyna óte qýanyshtymyn. Prezidenttiń týystary, jaqyndary men barsha Túrkimenstan halqynan keshirim suraimyn. Buǵan deiingi aqparat joqqa shyǵaryldy", - dep jazdy saiasatker.
Aslan Rýbaev Túrikmenstan prezidenti Gýrbangýly Berdimuhamedovtiń ólimi týraly aqparat onyń kópten beri kórinbei ketkenine bailanysty týyndaýy múmkin ekenin aitty.
Buǵan deiin Túrikmenstannyń Máskeýdegi elshiligi de prezidenttiń ólimi týraly aqparattyń jalǵan ekenin habarlaǵan bolatyn.
