ەۋرازييالىق پروبلەمالار مونيتورينگٸ ورتالىعىنىڭ ديرەكتورى اسلان رۋباەۆ تٷرٸكمەنستان پرەزيدەنتٸ گۋربانگۋلى بەردٸمۇحامەدوۆتٸڭ ٶلٸمٸ تۋرالى اقپاراتتىڭ راستالماعانىن ايتتى. ول جالعان اقپارات تاراتقانى ٷشٸن كەشٸرٸم سۇرادى, دەپ حابارلايدى "Sputnik".
بۇعان دەيٸن ساياساتكەر اسلان رۋباەۆ "گوۆوريت موسكۆا" راديوستانتسيياسىنا بەرگەن سۇقباتىندا تٷرٸكمەنستان باسشىسى دەمالىس كەزٸندە كٶز جۇمدى دەگەن بولاتىن. ول ارنايى قىزمەتتەردەگٸ دەرەككٶزگە سٸلتەمە جاساعان.
كەيٸن ول ٶزٸنٸڭ Facebook پاراقشاسىندا گۋربانگۋلى بەردٸمۇحامەدوۆتٸڭ ٶلٸمٸ تۋرالى اقپاراتتى جوققا شىعاردى.
"مەن گۋربانگۋلى بەردٸمۇحامەدوۆتٸڭ ٶلٸمٸ تۋرالى اقپاراتتىڭ راستالماعانىنا ٶتە قۋانىشتىمىن. پرەزيدەنتتٸڭ تۋىستارى, جاقىندارى مەن بارشا تٷركٸمەنستان حالقىنان كەشٸرٸم سۇرايمىن. بۇعان دەيٸنگٸ اقپارات جوققا شىعارىلدى", - دەپ جازدى ساياساتكەر.
اسلان رۋباەۆ تٷرٸكمەنستان پرەزيدەنتٸ گۋربانگۋلى بەردٸمۇحامەدوۆتٸڭ ٶلٸمٸ تۋرالى اقپارات ونىڭ كٶپتەن بەرٸ كٶرٸنبەي كەتكەنٸنە بايلانىستى تۋىنداۋى مٷمكٸن ەكەنٸن ايتتى.
بۇعان دەيٸن تٷرٸكمەنستاننىڭ مەسكەۋدەگٸ ەلشٸلٸگٸ دە پرەزيدەنتتٸڭ ٶلٸمٸ تۋرالى اقپاراتتىڭ جالعان ەكەنٸن حابارلاعان بولاتىن.
