Eńbek jáne halyqty áleýmettik qorǵaý ministri Berdibek Saparbaev ulynyń jańa qyzmetke taǵaiyndalýyna qatysty pikir bildirdi, dep habarlaidy Sputnik Qazaqstan tilshisi.
"Qazaqstannyń azamaty retinde konstitýtsiialyq quqyǵy bar. Ol endi jas emes, óz bolashaǵyn ózi tańdaidy. Meniń oǵan eshqandai qatysym joq. Meniń oǵan tileitinim, jaqsy jumys istep, senimdi aqtasyn, ákesi siiaqty úlken qairatker bolsyn. Ol úshin adal eńbek etý kerek", - dedi Saparbaev úkimetke ótken baspasóz máslihatynda.
Aita ketsek, Jansultan Saparbaev 2019 jyldyń 14 naýryzynan bastap Nur-Sultan qalasy Esil aýdany ákiminiń orynbasary qyzmetin atqaryp keledi. Ministrdiń uly ishki saiasat, áleýmettik sala jáne kásipkerlik máselelerine basshylyq etedi.
Jansultan Saparbaev memlekettik qyzmettegi mansabyn 2016 jyly ulttyq ekonomika ministriniń keńesshisi bolyp bastaǵan.
