Qazaqstan Respýblikasy Eńbek jáne halyqty áleýmettik qorǵaý ministri bolyp Berdibek Saparbaev taǵaiyndaldy.
Berdibek Mashbekuly Saparbaev Qyzylorda oblysynyń Jańaqorǵan aýdanynyń Besaryq aýylynda 1953 jyly týylǵan. 1977 jyly jyly Almaty Halyq sharýashylyǵy institýtyn «Ekonomika jáne materialdyq-tehnikalyq jabdyqtaý» mamandyǵy boiynsha bitirdi. Ekonomika ǵylymdarynyń doktory, professor.
Eńbek jolyn Qyzylorda oblysynyń Zadarinskii sovhozynyń jumysshysynan bastady (1969-1971 j.j.); áskeri qyzmetin ótkerdi (1971-1973 jj.). Institýtty bitirisimen Respýblikalyq memlekettik eńbek jinaqtaý kassalary (gostrýdsberkassy) basqarmasynda ekonomist (1977 j.); QazSRO Qarjymininde ekonomist, aǵa ekonomist, jetekshi, bas ekonomist, bólim bastyǵynyń orynbasary (1977-1988 jj.); josparlaý-qarjy basqarmasynyń bastyǵy, Bas ekonomika basqarmasynyń bastyǵy, Qazaqstan Respýblikasy Bilim ministriniń orynbasary (1988-1993 jj.); Prezident Apparaty Bólimi men Qazaqstan Respýblikasy Ministrleri kabineti meńgerýshisiniń orynbasary (1993 j.); Qazaqstan Respýblikasy Ministrleri kabinetiniń Ister basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jj.) boldy.
Qazaqstan Respýblikasy Ministrleri kabineti Apparatynyń basshysy (1995 j.); Qyzylorda oblysynyń ákimi (1995-1999 jj.); Ońtústik-Qazaqstan oblysynyń ákimi (1999-2002 jj.) qyzmetterin atqardy;
Qazaqstan Respýblikasy Kedendik baqylaý agenttiginiń tóraǵasy, Qazaqstan Respýblikasy Qarjy ministrliginiń Vitse-Ministri - Kedendik baqylaý komitetiniń tóraǵasy (2002 j.- 2006 j.); Premer-Ministr Keńsesi Basshysynyń orynbasary – Qazaqstan Respýblikasy Parlamentindegi Úkimettiń Ókili (2006 j. – 2007 j.); Qazaqstan Respýblikasynyń Ekonomika jáne biýdjettik josparlaý Vitse-ministri (09.02.2007- 27.08.2007).
2007 jyldyń 27 tamyzynan bastap Qazaqstan Respýblikasynyń Eńbek jáne halyqty áleýmettik qorǵaý ministri laýazymynda bolǵan.
2009 jylǵy 4 naýryzda Shyǵys Qazaqstan oblysynyń ákimi bolyp taǵaiyndaldy.
2014 jyldyń qarashasy - 2015 jyldyń qyrkúiegi aralyǵynda QR Premer-Ministriniń orynbasary.
2015 jylǵy 11 qyrkúiekte Qazaqstan Respýblikasy Prezidentiniń Jarlyǵymen Aqtóbe oblysynyń ákimi bolyp taǵaiyndaldy.
