QR Eńbek jáne halyqty áleýmettik qorǵaý ministri Berdibek Saparbaev Astana qalasynyń Jumyspen qamtý ortalyǵy men Halyqty jumyspen qamtý jáne áleýmettik qorǵaý basqarmasyna baryp, qonaqtarmen áńgimelesti jáne azamattarǵa kórsetiletin qyzmet sapasymen tanysty, dep habarlaidy QazAqparat ministrliktiń baspasóz qyzmetine silteme jasap.
Astana qalasynyń Jumyspen qamtý ortalyǵyna elektrondy kezek júiesi engizilgen, ózin-ózi basqarý aýmaǵy jumys isteidi jáne elektrondyq eńbek birjasy jumysymen integratsiialanǵan.
2019 jyldyń basynan beri Astananyń 500-den astam turǵyny Jumyspen qamtý ortalyǵy arqyly jumysqa ornalasqan. Jastar tájiribesine 200-ge jýyq jas maman jiberildi. Qazirgi ýaqytta jumyspen qamtý ortalyǵynda 5 myńnan astam bos jumys orny bar.
Berdibek Saparbaev Jumyspen qamtý ortalyǵynyń negizgi mindeti - ýaqtyly jáne sapaly áleýmettik qyzmet kórsetý úshin jaǵdai jasaý ekenin atap ótti. Miinstr Aqtóbe qalasyndaǵy «Halyqtyq keńse» jumysynyń oń tájiribesin mysalǵa keltirdi. Onda halyqqa qyzmet kórsetý ortalyǵy, jumyspen qamtý, kóshi-qon, quqyqtyq, tsifrlyq qyzmetter, sondai-aq «Qazposhta» AQ jáne BJZQ filialdary usynatyn memlekettik qyzmetterdiń 600-den astam túri kórsetiledi. Halyq keńsesiniń barlyq qyzmetteri «bir tereze» qaǵidaty boiynsha kórsetiledi.
Sonymen birge Jumyspen qamtý ortalyǵynda QR Eńbek jáne halyqty áleýmettik qorǵaý ministrliginiń basshylyǵymen jáne jergilikti atqarýshy organdardyń ókilderimen kezdesý ótti. Onda Memleket basshysynyń «Nur Otan» HDP XVIII sezinde bergen tapsyrmalary aiasynda qabyldanǵan sharalar talqylandy. Atap aitqanda, balalar men jaǵdaiy tómen otbasylarǵa qoldaý kórsetý sharalaryn kúsheitý men keńeitýge, óńirlerdiń derbes áleýmettik kartalaryn jasaý jáne aqparattyq derekqorlardy biriktirýge erekshe nazar aýdaryldy.
Ministr naǵyz muqtaj otbasyn áleýmettik qoldaý qajettigin aitty jáne olardy jumysqa ornalastyrý úshin jaǵdai jasaýdy tapsyrdy.
«Ár otbasynyń qajettilikterin esepke alý kerek jáne qaǵazbastylyq pen artyq biýrokratiialyq protsedýralardy joiý qajet», - dep atap ótti B. Saparbaev.
Astana qalasy Halyqty jumyspen qamtý jáne áleýmettik qorǵaý basqarmasynyń basshysy Ermek Ospanovtyń aitýynsha, jyl saiyn Astanada 130 myńǵa jýyq adam áleýmettik qoldaýmen qamtylady, onyń ishinde 10 myńnan astam kópbalaly otbasylar, 3500-ge jýyq az qamtylǵan azamat bar.
