"Berdibek Saparbaev aqtóbelikterdiń turmysyn jaqsartý úshin úshin barlyq rezervterdi paidalanýdy tapsyrdy", - dep habarlaidy "Ult aqparat" oblys ákiminiń baspasóz qyzmetine silteme jasap.
Oblystyq ákimdikte óńir basshysy Berdibek Saparbaevtyń tóraǵalyǵymen keńeitilgen májilis ótkizilip, óńirdiń 2016 jylǵy áleýmettik-ekonomikalyq damý qortyndysy talqylandy. Jiynǵa barlyq deńgeidegi ákimder, oblystyq jáne qalalyq máslihat depatýttary, oblystyq basqarma basshylary, kásipkerler jáne t.b. qatysty.
— Ózderińiz jaqsy bilesizder, ótken jyl qiyn boldy. Biraq, soǵan qaramastan, biz memleket basshysynyń ekonomikanyń quldyraýyna jol bermeý kerek, halyqty jumyspen qamtamasyz etý arqyly olardyń turmysyn, ál-aýqatyn jaqsartý qajet degen tapsyrmasyn oryndadyq. Statistikalyq málimetke júginetin bolsaq, negizgi ekonomikalyq-áleýmettik kórsetkishter 2015 jylmen salystyrǵanda joǵary, - dedi jinalysty ashqan oblys ákimi Berdibek Saparbaev.
Oblys ákiminiń orynbasary Asqar Biahmetovtiń baiandaýynsha, el Úkimetiniń jáne oblys ákimdiginiń daǵdarysqa qarsy ýaqtyly qabyldanǵan sharalarynyń nátijesinde 2016 jyldyń qorytyndysy boiynsha óńir ekonomikasynyń damýynda oń nátijelerge qol jetkizilgen. Osylaisha byltyr 9 aida óńirlik jalpy ónimniń kólemi 1 trillion 351,5 milliard teńgeni quraǵan. Jan basyna shaqqandaǵy jalpy óńirlik ónim kólemi 1610,1 myń teńge. 2016 jylǵy 12 aidyń qorytyndysy boiynsha, JÓÓ 100,5%-dan kem túspeidi dep kútilýde. Byltyr aimaqta ónerkásip óndirisiniń kólemi 2015 jylmen salystyrǵanda 1 trillion 202,7 milliard teńge nemese naqty kórsetkish indeksi 102 paiyzdy qurady. Óńdeýshi ónerkásip ósý qarqynyn kórsetip, 15,8% kórsetti.
Negizgi kapitalǵa salynǵan investitsiialar 1,3% ósip, 373,7 mlrd. teńge qurady. Atap aitqanda «Beineý-Shymkent» gaz qubyry qurylysy, Baiǵanin jáne Shalqar aýdandaryndaǵy kompressor stantsiialary, Aqtóbe qalasy jáne aýdandardaǵy gaz taratý nysandarynyń qurylysy, Alǵadaǵy mal soiý tsehy, Aqtóbe qalasyndaǵy jylyjai kesheniniń qurylysy, Aqtóbe qalasy jáne aýdandardaǵy turǵyn úi qurylystary, sondai-aq, áleýmettik-ekonomikalyq baǵyttardy jaqsartýǵa arnalǵan sharalardy júzege asyrý barysynda ósimge qol jetip otyr.
Jyl qorytyndysy boiynsha byltyr aimaqta atqarylǵan qurylys jumystarynyń kólemi 136 milliard teńgeden asqan. Barlyq qarjylandyrý kózderiniń esebinen 616,6 myń sharshy metr turǵyn úi paidalanýǵa berilgen.
Aýyl sharýashylyǵy jalpy óniminiń naqty kólem indeksi 108,7% júzege asqan nemese 184.8 mlrd. teńge. Sondai-aq, bólshek saýda taýar ainalymy oń dinamika kórsetip, indeksi 101,2% qurady nemese 490,6 mlrd, teńge. Osy atalǵan kórsetkishter boiynsha Aqtóbe oblysy Qazaqstandaǵy ózge óńirler arasynda alǵashqy úshtikke enip otyr.
Jalpy jumyssyzdyq deńgeii jyl qortyndysy boiynsha 4,8% qurap, ortasha respýblikalyq kórsetkishte 0,1 tarmaqty kórsetip otyr.
Oblys ákimi eń bastysy - jumyssyzdyqtyń ósimine jol bermeý kerektigin eske saldy.
- Biz osy qarqyndy tómendetpeýimiz kerek. 2017 jyly oblys biýdjeti 15% artady, 21 jańa mektep salyp, 650 sharshy metr turǵyn úidi paidalanýǵa berýdi josparlap otyrmyz. Bizdiń mindetimiz — Memleket basshysynyń halyqtyń ál-aýqatyn jaqsartýǵa baǵyttalǵan tapsyrmalaryn oryndaý maqsatynda kemshilikterimizdi joiyp, óńirdi odan ári damytý úshin barlyq rezervterdi paidalaný. Ol úshin bizde barlyq múmkindikter bar. Memlekettik baǵdarlamalar ár kez baqylaýda bolýy tiis. Onyń atqarylýyn taldap, qarap otyrýymyz kerek, - degen oblys ákimi Berdibek Saparbaev óńirde halyq igiligi úshin barlyq sharalar júzege asyrylyp jatqanyn aityp ótti.
Óńir basshysy áleýmettik nysandar qurylysyn, MJÁ damytý, aýylsharýashylyǵyn damytý jáne ózge de máselelerdi ótken jyly der kezinde atqarmaǵany úshin birneshe aýdan ákimderiniń jumysyn synǵa aldy.
Sondai-aq, keńeitilgen májilis barysynda óńirdegi óndiris saiasatyn júzege asyrý, biznes baǵdarlamalaryn damytý, oblystaǵy qurylys keshinin arttyrý, turǵyn-úi kommýnaldyq sharýashylyǵy, sondai-aq, aýylsharýashylyǵyn damytý sekildi ózge de mańyzdy suraqtar kóterildi.
Ult portaly
